Zianghman A si lo

Siar: Suahlannak 4:10:17

Kei cu ramsa vek ka si thlang, minung ka bang nawn lo. Milai thinlung ka nei nawn lo. – Thufim 30:2

Kumkhat sung Baibal: – Mikah 4 – 5   – Thufim 25:1-14

1992 kum ah Washington ramtthen Seattle khuapi uktu sang si dingih hril awknak a cuh vetu pa in, “Zianghman lo taktak” ti’n a hmin a thlengh aw. Me (vote) petu pawl kha, kei cu zianghman lo taktak ka si, me in pek uh” tiah cibaibuk hngai a duh. A tumtahmi cu “Uktu sang um hlah seh” ti a si thu nehhnu ah a simfiang saal.

Hi mipa in mipi hiipnak ah hmin pakhat a hmang. Bible khal in midang hnenih kan sim awk tikah zianghman lo kan sizia thei aw dingin vei tampi in simzirh. A dikmi tangdornak cu a harhdammi lungput a si. Israel miphun hla ngan thiam pawl in, “Pathian tel locun mi-aa zianghman lo kan sizia theih awk ding” thupit daan an ngan (Saam 73:22; Thufim 30:2). Jesuh khal in, “Pathian tel loin zianghman a tuah thei lo” timi thu in zirh (John 5:30; 15:5).

Moses thuanthu ah “Zianghman kan si lo” tiah Pathian in tirhfialmi ttuan ngam loin a hrial tumnak kan hmu (Suah. 4:1-17). Sihmanseh, mi pakhat ka si ve timi lungput cun Pathian ih tumtahmi a rak el ngah ttheu.

Kanmah le kanmah siseh, midang pawl siseh zianghman man nei lo ih kan ruat thei. Kan theih ding thupi cu Pathian in “Zianghman lo mi” a sersiam lo. Moses vekin Pathian hnenah kan pek awk ahcun Amah ih cahnak thawn tuahter in duhmi hmuahhmuah kan tuah thei ding a si.

Bawipa ka nunnak Na hrangah thianhlimter hram aw,

Ka thinlung cu a maksakmi Na duhnak in khatter aw;

Ka duhnak, ka thinlung le ka hngalnak ziangkim laak aw,

Atu ah ka nunnak ka lo hlan, Ka sungah um hram aw.

Khrih tel loin zianghman kan ti thei lo,

Amah thaw cun tuahter in duhmi zate kan tuah thei.

Comments

comments

Comments

%d bloggers like this: