Ziang tik ah na suak?

A dik maw?

Na suahni thuken mi pawl a hnuai ah zoh aw:——

Aries (March 20- April 18): Mi taima, mah le mah rinsan awknak nei zet mi leh mi hruaitheinak huham nei mi an si. Rawngmil: Asen, Avar. Millo: Ahring, Vartle.

Taurus (April 19- May 19): Mi nuam ciahco an si nan mi hngetkhoh leh thu rem/ relfel thiam zet mi an si. Duhdawtnak lamah mi lung tha an siih mi nuam sa zet  an si. Rawngmil: Dumpawl (blue), Ahring,. Millo: Aihre (Yello), Sentak.

Gemini (May 20- June 20): Ngaihtuahnak (idea) hlirih khat mi an siih thilthar an ruat thiam. An ruahnak thar khal a tak ih hman uar zet pawl an si. Tuar theinak an nei tam. Rawng mil : A hring (green), Aihre (yellow). Avar(white). Millo: Sentak (blood red). Dumpawl (blue).

Cancer (June 21- July 21): Ngaihtuahnak ih lengtam mi leh, thu huaha relnuam ti mi pawl an si. Hna tuannak lamah mi taima zet an siih mi beidong har zet mi an si theu. Rawngmil: Avar (white), Senlar (ligh red). Millo: Ahring (green), Dumpawl (blue).

Leo (July 22- Aug 21): Mi tirhsiang zet mi an si. Mi lainat thiam zet mi khal an si. Mi theithiamnak an neih tam ruangah, hruaitu dinhmun khalih mi pitling zet an si. Rawngmil: Sendup (dark red), Senlar (Light red). Millo: Ahring (green), dumpawl (blue).

Virgo (Aug 22- Sep 21): Mi zah um zet mi an si. Mi hiptheinak iang an nei. Mah te todelh awk thei zet mi khal an si. Thlengdanglam awknak a uar hlei cetu an si. Rawngmil: Ahring (green), Aihre (yellow). Millo: Senlar (light red), Sendup.

Libra (Sep 22 – Oct 22): Mi thurawn pe thiam zet mi an si. Thuthen khal an thiam zet. An thutiam mi hlensuak hlanlo a zuam paih rero tu an si. Rawngmil: Dum pawl, Avar. Millo: Senlar, Aihre.

Scorpio (Oct 23- Nov 20): Mi thusim fiangthiam zet mi an si. Thu rem fel thiam zet khal an si. Mi thilti thei zet leh mi zah mi miropi an si duh. Rawngmil : Sen dup, A var, Aihre.  Millo : Var tle ( Silky White), Ahring.

Sagittarius (Nov 21- Dec 20): Mi taima zet an si. Mi raltha, Pasaltha khal an si. An mah leh an mah an rinawk tawk zet theu. Rawngmil: A hring, Aihre, Sendup. Millo :Dumpawl, Avar.

Aquarius (Jan 20- Feb 18): Mi bengvar zet mi an si. Mi zangfahnak an nei tam ih, an thluak a tha tuk. Thilthar ruah nakah caan an hmang tam theu. Thil tih dan kelih tih an duh lo, ti dan thar cawn an uar zet. Rawngmil: Senlar,  Var tle. Millo: Sendup, Avar.

Capricorn (Dec 21- Jan 19): Tuar theinak an nei tam zet. Mi an zawi e thei ih mi duh khal an hlawh zet. Ziaza mawi (discipline) an neiih, thil a tak rori ih tuah an uar. Rawngmil: Dum pawl, Var tle. Millo: Sendup. Aihre.

Pisces (Feb 19- March 19): Mi an ruatthiam ih mi zangfahnak khal an nei tam. Ruahnak fumfe leh tha an rua hmanih a takih can tir an zuam theu. Hruaitu ding hrangih mi rin um leh rua hmannak felfai a nei tu khal an si. Rawngmil: Aihre, Avar, Senlar. Millo : Sendup, Vartle.

 

Comments

comments

Comments

%d bloggers like this: