Ziang Ti Duhsan Thawn Kut Zung Pahnih Tung In Na Zuk Aw Țtheu!

Zunghnih
January Van
Tu’i lai sanah Nunau tamsawn cu Kutzung pahnih tungih zukawk tlaangpi asi. Asile ziang ruangah Kutzung pahnih tungin na zukaw ttheu? Ziang tiduh san in ha Kutzung pahnih tungih style na suah ttheu? Maw…. ti duhsan nei cuang lo, mi thu cawngin ha zukawk tikih Kutzunghnih na tun ve ttheu?

A veihnihnak leitlun ram buai laiah “Victory” timi cafang cu “V” remdaihnak tiih rak hmanmi asi. 1960 kum a thlen tikah “V” timi cu Vietnam raal dodaltu pawlin Remdaihnak tiah an rak hmangih cutiin cangvaihnak an tuah vivo.

Japan ram ahcun nunau pawlin nomawknak menmen ah Kutzunghnih tungin an zukaw ttheu. Cuti’h an hmanthoknak cu 1972 kum, Olympic puai laiah America ram ih figure skater nute Janet Lynn in a rak phurhmi asi.

Janet Lynn cun Zuamawknak a neih laiah a bah ngah pangih mithmai pante’n “V” timi Kutzunghnih tungin a hong thosal. Cuih a Kutzung tunmi zuk cu Japan ram ih thuthang pawlah hmuh an si ih mipi in an ron uar ciamco. Cuti’n Kutzung pahnih tun ih zukawk cu an ron hmang lanta. Kutzung pahnih tungih zukawk asile nunau pawlih Hmai cu a vong fate ih duh an nung cuang tiin zumnak an nei.

Tuluk ram, Hong Kong, South Korea le Taiwan tipawl khalah hman laar asi vivo. Asina’n Britain ram ahcun Kutzung pahnih kha Kut Zungpi in khuh ih ‘V’ tuah hi cu mi hmuhsuam tinak asi leh thung! Japan rammi pawl hrangah asile nambat pahnih kan piah(hmuh) tinak men asi ti’n an ti.

*Theihvenak ah ti’n.. MYMC

Comments

comments

Comments

%d bloggers like this: