Ziang kan tul? Zo kan tul a si pei?

 

Bawi Ceu| Manila

Chinram, miphun independence hrangih kan ruahnak, saduhthah, tumtahmi, vision pawl le tuan thokdan pawl run ngansuah a si vivo tikah kan thinlungput cu tawkfang a lang in ka hmu.

Cupawl cu:
1) Kanmah, keimah, amah vekngai in ziang a tithei kupkap pei maw timi thinlung
2) Mifim, mithiam, political lamih mi expert kan neih lo zia kan dap aw ciamco
3) Kan buainak le kan thuhla, a nepnawi tuk deuh pang maw?
4) Independent ngah ngaingai hmannungla kan rem aw cuang pei maw?
5) Upat awknak le bomawk duhnak thinlung hnakin zumawk lonak a langtam

6) Ruahrel men hmanah kan duhdan, tumdan a bang awlo ruri.

Asiat zomi Jerusalem tundinnak dingah hotu Nehemiah in mifim, mithiam a hawl hmaisata lo. Pathian ah a hlan aw thluh ta. Amah le mah  a pe aw top. Amai taanghma a haita lo. Cule Pathian rinsan in a hruai ih hmuhsuamtu, dodaltu tampi a nei nan dung a siip lo, hnatuanpi santlailo te rual an sinan a rinsan ih a hmang, a netnak ahcun hlawhtlinnak an hmu suak.

A hlawhtlinnak hrampi

1)      Pathian a rinsan ruangah

2)      Pathian ih tul a ti taktak mi a si maw silo ti a theifiang

3)      Amah le mah a pe aw, a hmang aw, mi a hawl hmaisa ta lo

4)      A taanghma a hai ta lo, cu aiah a thaap aw sawn

* Chinmi Full percent deuhthaw Christian a simi Zumtu pawlin kan Politic Leader ah Pathian kan hmang maw?

* Kan Pathian in independence ngah tul in tipi in, in lungkimpi ngaingai theifiang aw in amah ronnak kan nei maw?

* Mah le mah rinsan aw thei lo, pe aw thei lo, hmang aw duh loin midang mifim, mithiam kan hawl hmaisa ding maw?

* Mai taanghma lawng ruatin kan politic a feh pang maw?

Thimnak ah

–   Independence kan kan ngah taktak le zo an lal ding?

–   Anih a lal ruangah kan hlawkpi takngai ke maw

–   Mi pakhat a hung lal leveten tappi le ihkhun tiang tuahsak kan beisei pei maw?

–   Mi do in luatnak kan hawl ding maw, kanmah le mah kan sawhhnget aw ta ding?

Ziangkim Bawipa Pathian rinsannak le amah thuron in amai duhzawng theifiang ngah ih a tumtah vekih kan feh vivo ahcun kan ram le miphun in damnak kan ngah hrimhrim ko ding. Kan karbak ding hrelhmi teh kan nei pang pei maw? Pathian hnatuantu pawl teh in Pathian thu le Nainganzi a seng aw lo ti lungput kan nei pang maw?

– Mosi Pathian mi in a miphun pawl a rak hruai an ral Egypt pawl an neh

– Joshua Pathian mi in a sawng- Kanaan ramah a mipi pawl a hruaisuak

– Pathian mi David in ram a rak uk ih kum 40 sung a ramah daihnak leng

– Samuel cu profet asinan Ram khal a rak uk, a uk sungah daihnak a leng

Pathian mi, Pathian tihzahtu Nainganzi tama kan miphun in a mamawh.

(Visited 27 times, 1 visits today)

Comments

comments

Comments

%d bloggers like this: