Ziang In Nunnomnak A Suahter?

March 4

Tlawngkai Nili

Ziang In Nunnomnak A Suahter?

Siar:

Thusimtu 2:1-11

Zianghman an si lo; thli dawi rero vek fangfang lawng an si ti fiangte’n ka thei. Vanrang hnuai milai hrang ahhin thil tthahnem zianghman a um lo a si.     -Thusimtu 2:11

Kumkhat Sung Baibal:

–   Mipumsiarnak 31-33

–   Marka 9:1-29

Leitlun Raalpi Veihnihnak hnu ih Japan ram sumdawnnaklam tthanso daan zoh saal tikah Richard Easterlin ih a simmi cu sum le pai tthansonak hin thin diriamnak thlentu a si ringring lo a ti. Kan dung naite ah sumdawn thiam Betsey Stevenson le Justin Wolfers teih an hlathlaimi ram 100 ih an hmuh  suakmi cu a lianzetmi ram pawl ahhin nun diriamnak a khungbik ti a si.

Cuti asile zo si a dik? Thusimtu thawn kan tahtthim hnik pei. Amah cu milianzet a rak si (2:8). Ziang hmuahhmuah tuah theinak a neih vekin a tuah ttheh! Nomnak tuah dingin a pum a pek aw (cc.1-3), a phunphun a tawlrel (cc.4-8), mi nuamtertu ziangkim a tuah (c.8), hnattuantu tampi a nei (cc.10-11). A netnak ah, “Zianghman an si lo, thli dawi rero vek a si. Curuangah vanrang hnuai ah thil tthahnem zianghman a um lo,” a ti (c. 11).

Caan reipi a daihmi thin diriamnak cu hmuh theih le tham theih thilri le sumpai ihsin a ra lo. Thinnomnak cu mi pakhat hnen ihsin a ra. Vanrang hnuai in a si lo, Jesuh Khrih hnen lawngin a si.

Hla phuahtu Floyd Hawkins in hiti’n ca a ngan: “Lungawinak ka sar ngah zo. Nomnak ka hmu zo. Riahsiatnak sawngtu ka tong zo. Jesuh ka Bawipa ka hmu tikah. Amah lawngin lungawinak famkim i pe thei” (John 15:11).

Leilung hi laak hlo awla, Jesuh i pe aw,

Nomnak hmuahmuah cu hmin pakhat in a si;

Asinan a duhdawtnak cu kumkhua in a hmun,

Kumkhua in a hmun ringring.

Nomnak thei dingin Jesuh thei aw.

(Visited 20 times, 1 visits today)

Comments

comments

Comments

%d bloggers like this: