Ziang hmuahhmuah Tlunah

September 5
Tlawngkai Nithum

Ziang hmuahhmuah Tlunah

Bible Siar Ding: Isaiah 6:1-8

Bawipa kan Pathian cu thangtthat uh; A siangpahrang tokham hmai ah kuun uhla bia uh; Amah cu a thianghlim a si.
– Saam 99:5

Siangpahrang Bawipa cu a thi. Siangpahrang Uziah cu ttihzah upat tlak siangpahrang thar a si. Profet Isaiah cu a neta ih siangpahrang hi Israel mi pawl hrangah ziangti’n si hitluk in a ttha thei sipei, ti’n a khuaruah a har.

Yahweh Pathian in a hnattuantu profet Isaiah ih thinlungput le khuaruah daan cu hih leitlun thil umtu daan par lawnglawng ah tthum awk lo dingin a tuahsak. Biakinn sungah Pathian in Isaiah hnenah langnak (vision) a hmuhter, a thuam ih a cawisang. Bible calehnak pakhat cun, “dinhmun saang ah a hlirso,” a ti (Isa. 6:1 KJV).

Tuni ah, kan nunphung (culture) cun puaituah (celebrity) vekih Pathian biakkhawmnak in in neh thluh. Lemcang (zuksin minnta/minntami) hminthang (movie star), lehpan thiam (athlete) hminthang, le naingnganzi tama (politician) pawl in kan khuaruahnak hmuahhmuah in ciahneh (influence) thluh, media ih an nun thuanthu tarlangmi pawl hlir kha mikip in kan uar ciamco. Kan kaa cun Bawipa cu saang ah khaisang uhsi! kan ti, asinan kan uarzetmi actor pawl tluk hman kan Bawipa hmuh hiarnak thinlung kan nei lo. Kan Pathian ih Ttongkam (Bible) siar ding cu minuamtertu zuksin magazine suak thar sungih cahram pakhat siar ding tluk hman in kan hngakhlap maw?

Isaiah in Bawipa a hmuh tikah thulehnak (response) pahnih a tuah. A pakhatnak ah, amai’ sualnak a hmu aw. A pahnihnak ah a khaisanmi a Bawipa ih hnattuan a hril. Anih cun Bawipa Pathian cu mi hmuahhmuah hnakin, le thildang ziangkim hnakih saang sawn ah a um a si, timi thutak kha a theifiang ngah a si.

Zovek minung khal in Pathian cu an zuam (compete) thei hrimhrim lo ding ti thei aw.

Khaisanmi Bawipa, Nangmah cu a saangbik biak tlak dinhmun ih ka lo ret thei ringring lonak parah ka sualnak in ngaidam hram aw.

Khaisanmi Bawipa hnakin zovek minung le ziangbangtuk cangvaihnak sawn kha so thinlung thathawhnak thawn ka fuk ih kan pan?

@ Ava Pennington

(Visited 17 times, 1 visits today)

Comments

comments

Comments

%d bloggers like this: