Ziang A Thupibik?

August 7

Zarhte Ni 

Ziang A Thupibik? 

Siar:

Rom 9:1-5 

Ka thinnatnak cu cem ti a nei dah lo. Anmah ruangah keimah sawn hi Khrih ihsin tthen suak mi le Pathian camriamnak hnuai ih a um mi si sawn ningla ka va duh so!    – Rom 9:3 

Kumkhat Sung Baibal:

–          Saam 72 – 73

–          Rom 9:1-15 

Kan dung naite ah minung tamzetnak bazaar shoping area ah minu pakhat cu mipi lakah a fehnak ding zin sial in mipi huih phah in a feh rero ka hmu. A hrukmi T. Shirt parah, “keimai’ hrangah a thupibik” timi cafang in ka thinlung i laakzet. A tuahnak in a T. Shirt parih canganmi cu a fiangter nasa.           

Amah lawng cuvek in a um tiah kan ruat pang ding ka phaang. Cuih thu cu atulai nunau mipa ti um lo mitampi ih kan phuan suahmi kan thupitermi san thar nun daan motto a si cio. Sihmansehla, Khrih dungthluntu pawl hrang ahcun cuih thu cu a dik thei lo. Kan nunnak cu kanmai’ hrangah si loin, kan bawipa Jesuh Khrih le midang hrang dingah a si sawn.           

Cuih thudik cu Paul in a thei fiang. A phunpi pawl in Khrih an theih ding a seherhtuk ruangah hiti’n a ti: “Anmah ruangah keimah sawn hi Khrih ihsin tthen suak mi le Pathian camriamnak hnuai ih a um mi sisawn ningla ka va duh so a ti (Rom 9:3).” Thu maksak a si! Amai’ hrangah ruat awk ding cu a hlatuk hrih, a kumkhua nunnak tiang hman a miphun hrangah thlengh a duh.           

Paul ih thuzirhmi cun, mai’ hrang thupibik ih ruah awknak hih leilung pi nun daan ihsin midang hrangih pumpe aw dingah in sawmngiar a si. Thu kan sut awk tengteng dingmi cu: Keima’ hrang maw a thupibik? Asilole, Jesuh Khrih le a rat hnawh sanmi midang pawl hrangah? Ruat hnik. Ziang a thupibik?  – Bill Crowder 

Midang hrangah, Bawipa midang hrangah,

Himi hi thupi siseh;

Midang hrang nung thei dingin i bawm aw,

Cuti’n Na hrangah ka nung ding.  -Meigs 

Kan nunnak cu Khrih le midang hrangah siseh,

Kanmai’ hrang lawngah si hlah seh.

Comments

comments

Comments

%d bloggers like this: