Zapi Lungkimmi Tahfung

December 29

Tlawngkai Nithum

Zapi Lungkimmi Tahfung

Siar:

Daanpeksalnak 4:1-10

Ziangbangtuk a tummi miphun a si khal le tuihsun ih ka lo zirhmi daan vekih a dingmi daan cu zohman in an nei zik lo.  – Daan. 4:8

Kumkhat Sung Baibal:

–   Zekhariah 9-12

–   Thuphuan 20

Internet an tuah thok peklai ah a hnokzetmi Web sersuaktu pawl in anmahte an thlun dingmi daan pawl an tuah. Asinan a buai sinsin. A buaimi pawl lakih pakhat cu computer pakhat parah a ttha nain a dang pakhat par ahcun siar a theih lo. Daan felfai le remcangte ih thiltuahnak a umtuk hrih lomi US ram Nitlaknaklam ahcun internet hi uk theih lomi le thil buaizetmi pakhat (wild Web) a si tiah a tuahtu pawl in an ti. A hnok buaizetmi sungin daan suahpi dingah zapi lungkimmi tahfung hrangah midang hnen in lungkimnak an dil.

Himi in Israel pawl Izip ihsin an suah tikah an hrangih Daan a thupit zia in mangter saal (Daan. 4:1). Daan um lo cun uktu um lo vek an si ding. Daan an neih tikah uk awknaklam ah midang hnakin an uak deuh ih an Pathian ih tum zia miphun dang pawl hnenah an langter thei (c.8)

Sualnak le mai’ zawn lawng ruatnak thawn a hnok buaimi kan leilung ah daan suahpi dingin zumtu pawl cun daan famkimtertu Khrih (Matt. 5:17) ih daan ah kan ap awk a ttul (Gal. 6:2). Khrih ih dinmi daan kan thlun ih Pathian ih in duhdawt vekin Pathian le minungpi duhdawt ding daan ah kan ap aw asile pakhat le pakhat karlak ah remdaihnak a um dingih kan Pathian ih tum zia leilung ah tetti kan si ding.    – Julie Ackerman Link

Pathian ih in kawh vekin hmai ah feh uhsi,

A sunglawimi Jesuh thiisen in in tlen zo;

A duhdawtnak langter dingah, a nun daan ih nung dingah,

A thuthangttha sim dingah, a zaangfahnak pe dingah. – Whittle

Pathian le kan minungpi kan duhdawtnak ihsin

Pathian ih tum zia leilung in a thei ding.

(Visited 22 times, 1 visits today)

Comments

comments

Comments

%d bloggers like this: