Zanṭim Mipum Cazin Siarnak ah Zomi ti ih Hminkhum Ding in Zomi Democracy Pawlpi in Dil

2014 kum ih rampi zanttim mipum cazin siarnak ah Zomi hmin ih hminkhumnak tuahsak ding in a pehpar mi zungpawl ah an dil thu Zomi Democracy Pawlpi hnen ihsin theih a si.

156492_10151318950530735_111305948_n

Tu ih nemhnget mi ramhrin miphun 135 sungah, Chin miphun hrinhnam 53 a tel ih, cumi ah Zo timi hmin lawng a tel ruangah Zomi timi hmin khal telhsak ding in Zomi Democracy Pawlpi in a dil mi a si.

Zomi Democracy Pawlpi hin cumi lawng si lo in Chin hrinhnam 53 timi cu a zat diktak a si lo thu khal thu an thehlut thu theih a si.

“2014 March le April lakah zanttim mipum cazin siar a si thlang ding. Cumi caan ah Zomi ti’n mah le mah a ko aw tu pawl in Zomi ti ih ngansiannak ngah ding in zanttim mipum siarnak thawn a pehpar mi zungpawl theihternak kan tuah. Thla khat hrawng a rei thlang. Miphun timi ngannak hmun pakhat a um ding ih cutawk hmun ah Zomi ti ih ngan in siang ding in a si. Cumi si ko. Daan sung ih thuhla khirhsalnak cu a um hrih lo nan tongkam ih simtheihnak pawl cu a um. Boruak a ttha ko,” tiah Zomi Democracy Pawlpi ih ttuanvo neitu Anthony Kap Kham Khoi in a sim.

Chin miphun hrinhnam 53 timi cu si ding a si lo hrimhrim thu, le 2014 kum ih Myanmar zanttim mipum cazin laknak ah miphun hmin ah ‘Chin’ timi lawng telh ding in November 12 ihsin 15 tiang tuah mi Chin Phunpihuap Tonkhawmpi kaitupawl in an lungkim tlang tiah theih a si.

Ref: Daily Eleven, November 21, 2013.

Hminsin: zuk hi Zomi National Congress facebook cahmai ihta lak mi a si.

Comments

comments

Comments

%d bloggers like this: