Zanriah Hmeh ah Ziang Na Tuah?

hiuhuPacang pakhat hin a nupi cu tui hlan hnakin a hna malte a set deuh thlang in a thei. Hna set deuh pawl ih bun mi thilri a ttul men thei tiah a ruat. Asinan a ttul taktak maw timi ziangtin a theifiang ding ti a ruat suak thei lo. Curuangah an innsang sibawi a va sutron. Sibawi cun theih thei dan olsam zet a rak sim.

“Na tuah ding mi cu, na nupi thawn pii 40 hrawng a hlatnak ah na ding pei ih, na ttong dan pangai in ttong awla, a thei maw thei lo timi zoh aw. A theih lo asile, pii 30, cu thluh ah pii 20 ah,…cutivek vivo in, na ttong a theih tiang na tuah ding.”

Cumi ni siimlam ah a nupi cu coka ah zanriah a suang ih, anih cu mi leng pindan ah a um. Amahte’n, “Kan karlak hi pii 40 hrawng a hla ding, ziangvek a si ti kan zoh pei,” tiah a ttong.Cu thluh ah a ttong ttheu dan pangai in, “Duat, zanriah hmeh ah ziang na tuah?” tiah a sut. A nupi cun a sawn lo.Curuangah coka lam a pan deuh ih pii 30 hrawng a hlatnak ihsin, “Duat, zanriah hmeh ah ziang na tuah?” a ti lala. Sawntu a nei cuang lo.Cu thluh cun coka ah a lut ih a nupi thawn pii 20 hrawng a hlatnak ihsin, “Duat, zanriah hmeh ah ziang na tuah?” tiah a sut lala. Sawntu a um hrih cuang lo.Cu thluh ah a nupi thawn pii 10 a hlatnak hmun ah a va feh leh ih, “Duat, zanriah hmeh ah ziang na tuah?” a ti lala. Sawntu a nei hrih cuang lo.

Curuangah a nupi ih dung ciah ah a va ding ih, “Duat, zanriah hmeh ah ziang na tuah?” a va ti lala.Cutikah a nupi cun, “U Thang, a vei nganak ah ka lo sim lala ding. Arsa!” a rak ti.Can tampi ahcun midang an tlasam vekih kan ruat mi le buainak an nei vekih kan ruat mi khi kanmai’ tlaksamnak le kanmai’ buainak an rak si sawn cang a um ttheu.

Sirhsan: www.moralstories.org ih ‘What’s for Dinner?”

-Sianglianuk Kianghrol

(Visited 175 times, 1 visits today)

Comments

comments

Comments

%d bloggers like this: