Zamrang In Miphun Kilnak Daan Tuah Dingah Kalaymyo Ah Duhphorhnak Tuah

Kalaymyo

Miphun kilnak (မ်ဳိးေစာင့္ဥပေဒ) zamrang ten tuah ding ah December ni 6 sunhnu nazi 1 in 3 tiang Kalay khazeng sungih phungki pawl komaw in minung thawngthum tha in Kalaymyo ah duhphorhnak an tuah.

Kalaymyo Mangala vengih Mangala phungkitlawng ihsin thok in Kalaywa lamizin, shwebongta phungki tlawng tiang lamzin an zawh. မ်ဳိးေစာင့္ဥပေဒ tuahnak ding hrang thu 17 an tarmi thawn lamzawh an si.

“Kalaymyo ah မ်ဳိးေစာင့္ဥပေဒ thawn pehpar in a veikhatnak duhphorhnak si. Lailan ten kan sim len Kalaymyo hi ramri ih um a si tikah hnamdang mipa thawn an neihawk ding kan phang. Kan miphun, sakhua kilhimtu fanu tha an si theinak ding ah မ်ဳိးေစာင့္ဥပေဒ zamrang ten tuah hai seh tin kan dil vivo ding” tiah Kalaymyo Nayta phungki tlawng hotu in The Messenger Media ah a sim.

မ်ဳိးေစာင့္ဥပေဒ hi a dang sakhua daang thawn khal a kalhaw lo. အမ်ဳိးေစာင့္ဥပေဒ hi milai covo a buar lo. အမ်ဳိးေစာင့္ဥပေဒ a dokalhtu cu mai miphun kilveng duh lo an si tiah sign board kai in an au.

“Kawl nunau pakhat hrangah မ်ဳိးေစာင့္ဥပေဒ tuah sak a si cun a nunnak hrang a thindai a theih zo tin ka ruat. Curuangah si tui’ ni duhphorhnak ah ka tel. Minu zaten tel hai sehla ka duh” tiah Kalaymyo tualsungmi minu pakhtat in The Messenger Media ah a sim.
Ref; The Messenger Media

Comments

comments

Comments

%d bloggers like this: