Zalen Zetih Sumthlengawknak

Thansoh Bawmtu- Part – 9

Dollars

America dollar le Switzerland franc , japan yen pawl khalin sumthleng rate an rak hminsinnak ihsin zalenzetin mai thuthu te sawh in an fehpi thei. Zungpit ding can le zung on ding can zoh phah in rin lo ah sumleitu an tam tikah sumthleng rate an kaiter thei.

ZALEN ZETIH SUMTHLENGAWKNAK

Kan rel theu bangin sumpai duh tuk hi sual asi tiin kan zirh aw neh khop mai ih tuitum ahcun culam ngan bet ka tum lo. Sumpai duh tuk ruangih thihtiang mai neihsiah kentum, pom tengteng tuisan ah kan um nawn lo. Sum timi cu thil le ri tulsammi leinak ding hrangah asi. Sumpai ih man neihdan lamzin tampi in kan simfiang thei, hminsin atheih.

Acozah in amai ram ah Sumpai rate atuah. Asilole thilri pakhat khat man thawn hminsinnak anei. Asinan, tuisan le hlansan an bangaw nawn lo, thil le ri an thlengawk vekin ziangkim an her kual aw ve. Thimnakah America cozahpi cun 1971 san tiang tangka aiah sui in thil an rak lei aw. Cutin tikcu afeh vingvo.

1930 ihsin thokin tangka aiih an rak hmanmi sui cu ram tampi in an hmang duh nawn lo. Ziangruangah tile cozah ih khawl theihzat sui hlom ih a daih lo ruangah asi. Cuvek rampawl cun sumpai manzat cu rinhmang in an tah ih ramleng sumthlengawknak santiluan cu an hmang.

1973 an thlen tikah Smithsonian  lungkimnak “Smithsonian Agreement” in sumthleng manzat an rak hminsinnak ihsin mahte duhduhdan ih sumthlengawknakdan in an fehpi. Cutawk ihsin zalen zetih sumthlengawknak milai covo kan neih thok.

America dollar le Switzerland franc , japan yen pawl khalin sumthleng rate an rak hminsinnak ihsin zalenzetin mai thuthu te sawh in an fehpi thei. Zungpit ding can le zung on ding can zoh phah in rin lo ah sumleitu an tam tikah sumthleng rate an kaiter thei.

Acozah in tangka a suah tam hlan ahcun leitu le zuartu karlak ah tangka hi van ih rah tluk, neih harsazetmi thilri pakhat tluk arak si. Curuangah Japan pawlih tuahmi Video leitu an tam asile Japan yen sumthleng an kaiter thei. Ziangah tile Japan Video leitu an tam tikah Yen ihsin Dollar, pound asilole Franc ih an pek ruangah cutin Yen sumthlengnak man cu amahten akai men. Cuvekin Italy pawl America Florida state ah tlawng ding si hai bang sehla  Italy tangka Lira cu leitlun ram tangka zuarnakah Dollar an lei theinak ding hrangah man niam deuh in an zuar ding asi.

Zalenzetih phomi santiluan sumthlengawknak hrangah mah le ram ah tangka ih man athat theinak dingah cozahpi khalin sumthlengawknak ah telin zuar dawk, lei dawk tiveknak ruangah sumthleng a siat phahter lo.

Hivekih santiluan nazi kar sungih thlengaw dualdo theimi sumthlengawknak hi mihrek khatin bawrhhlawh pho aw ( Dirty Float) tiin nasatakin fakselnak an nei. Hmanlaimi, fehpi reromi san ahcun Sumthleng rinloih luarpar akai lonak ding hrangah Central Bank cun ziangtik lai khalah an rak telpi ve ringring. Euro sumthleng pawlkom (European Monetary System ) pawlih cangvaihnak ih sum an kaihdan vek sim duhnak asi.

Zokhal siseh leitlun sumthlengawknakah telpi control dingah cinghniar ih tupaw asin hnakin ahar sawn. Ziangahtile nitin tein zuarleiawknak sumpai suaklut atam tuk ruangah asi. Central Bank pawlin sumthleng luarpar akai vukvi lonak dingah control sak tiang lawng an tuan thei

(Visited 105 times, 1 visits today)

Comments

comments

Comments

%d bloggers like this: