Zalang khua meisa ngah nawn lo ruangah nauhak zaan ca zoh thei nawn lo

Zalang khawsung hmun khat Zuktu- Salai Lal Nun Uk | Chinland Today

Zalang khawsung hmun khat
Zuktu- Salai Lal Nun Uk | Chinland Today

Salai Lal Nun Uk

Tui kum July thla ruahpi ceen ruangah Zalang khua ah hydro electric a fen hlo sak ruangah nauhak zaan ca zoh thei nawn lo in an um.

July thla ni 22 ah 2009 ih an rak bun thokmi KL 50 ih cak an mei cet cu tidai in a fen hlo.

!Tui fur cem lam ah tuah that sal kan tum. Then khat cu sathaufar lole far in an um! tiah Zalang khawbawi U Lian Tiam in a sim. Himi mei cet hi Church of Christ kawhhran ta si ih rem that salnak ding ah ting 6 lenglo a cem ding tiah a sim bet.

!Tlawngta nauhak pawl khal zaan ah ca an zoh thei nawn lo. Khua a thim cun it that men si ko! tiah Zalang tlawng sayamah Kip Nei Tluang in a sim.

Zalang khua hi Webulah khua in peng 4 le hrek a hla. Tui tum tilian ruangah an khawsumg inn 4 an thiat bal ih inn khat cu Tahan lam ah a vai. Cun an lo thlawhmi eka 68.4 a siat tiah theih a si.#

Zalang khua inn an thiat bal mi pakhat Zuktu - Salai Lal Nun Uk | Chinland Today

Zalang khua inn an thiat bal mi pakhat
Zuktu – Salai Lal Nun Uk | Chinland Today

Comments

comments

Comments

%d bloggers like this: