A Zahmawh Bawr Sung Ihsin Dong 6 Sau Vok Khukrul An Dir Suak

Kum 48 mi upa pakhat cu a pum na zet in thlahnih a um hnu ah sibawi pawl hnenah a natnak a zohter ih a pum lam nat siloin a zahmawh a tilbawr sungah nathrik a um ti an rak sim.

A nathrik lasuak dingin sibawi pawl cun an zohfiang ih thildang siloin Khukrul a um ti an thei. Vok khukrul tiih kawh mi khukrul in a phu ah a rak seem ih cutin a tilbawr fate sawn tu sungah a rak um tiin India ram ih PVS Memorial Hospital ih a zohawknak ahcun an rak sim.

Sibawi pawl cun a serh lam ihsi la loin a ka ihsin an dirsuak sak. A dirhsuah sak ngahlo mi nathrik fate pawl cu sivai in an phulh thatsak. An tuah sung hi sml pakhat lenglo an rei. A dirsuak tu Dr Cyriac Phillips cun sivai ka thamnak ihsi ka hmuh mak bik le ka tuam hlawm mi pawl lak ih mak bik mi a si hrih lai tiin a sim hngehnge.

Vok ihsi ngah mi hivek khukrul hi, Vok sa suan hmin tuk lo, lole a hmin mi einak ihsi ngah thei mi a siih a hleice in zahmah serh sungah a seem duh zet mi khukrul an si. An tihnung nak cu taksa dangdang ah an vak thei ih thluak sung an thlen ahcun minung nunnak hrang tiang tihnung a si tiin sivai thiamnak cun an sim fiang. 2014 ah kum 50 ih upa mi pakhat khal a tluak ih ah a rak um ih Addenbrooke Hospital ah an rak ahsak dah zo.

Hivek natnak an hmuh tambiknak hmun pawl cu Africa, Southeast Asia le Central America pawl ah an si.#

– Mail

Comments

comments

Comments

%d bloggers like this: