Zaangfahnak Tahfung

April 5

Nipi Ni

Zaangfahnak Tahfung

Siar:

Filipi 2:5-11

A lo tlensuaktu cu a siat theimi sui le ngun bangtuk a si lo. A lo luattertu cu a sunglawimi Khrih thiisen in a si. -1Peter 1:18-19

Kumkhat Sung Baibal:

1Samuel 1-3

Luka 8:26-56

Pathian ih ropitnak tokham ihsin kalvari thinglamtah tiang ziangtluk a thuk in a hla? Runtu ih in duhdawtnak tahfung cu ziang a si? Paul in Filipi cakuat sungah hiti’n a ti: Jesuh cu ningzah riahsiat khur sung lut dingah van sunlawinak ihsin a rung ttum (Filipi 2:5-11).

Khrih cu kumkhua in ziang hmuahhmuah sersiamtu le Bawi a si. Leitlun fihnungza le a siat theimi tlunah sunlawih mi a si. Amah cu nunnak ih bulhram a si ih vancungmi siar cawk lo in thangtthat hla an sak. A hloral dingmi milai in duhdawtnak ruangah, “Amah cu cross ih thihnak tiang tuar in zawn a lung. Tangdornak thinlung a nei” (c. 8). Kan leilung fate ah a rung, rimsiazet rannung pawl innte ah a suak, caw rawl peknak kuang sungah an hlum.

A upat tikah riahnak hmun hman nei loin a um (Matt. 8:20). A ti a haal, nunau nu pakhat hnenah tidai a dil (John 4:7-9). Donhar in a um, thli sia hrang reromi lawng parah a it that (Mark 4:37-38). Sualnak a nei lo, mi seenpi in an lawm (Matt. 21:9) sual mawhnak nei vekin mawh an thluk, harsatnak tuar in Rome pawl ih cross parah a thi.

Himi cu Pathian ih tokham le kalvari karlak hlatnak a si! Cumi cu a duhdawtnak le zaangfahnak tahfung a si!

Rundamnak run kengtu duhdawtnak ih sauzia,

Minung hnen thlengtertu zaangfahnak;

Cuih tikel pi cu Bawipa in a tah Kalvari ah.

Kumkhua rundamnak laksawng in pe dingah

Pathian cu milai ah a cang.

(Visited 24 times, 1 visits today)

Comments

comments

Comments

%d bloggers like this: