Zaangfahnak Nei Lo

September 18

Zarhte Ni 

Zaangfahnak Nei Lo 

Siar:

1 Tim. 5:17-25 

Kawhhran upa, hnattuan ttha a ttuantu hruaitu cu ttuanman a let hnih in ngah tlak an si. Cuih upa lakah thusimnak le thuzirhnak ih a zuamzet pawl cun ngah tlak an si cuang.     – 1 Tim. 5:17           

Kumkhat Sung Baibal:

–   Thufim. 30-31

–    2 Korin. 11: 1-15 

Ka tupa telnak phun sarih tlawngta pawl ih American Bawlungsit zuam awknak ah lehnak uktu referee in penalty a pek. Bawlung a hlon vete’n a hlontu hnen in bawlung cu an kham ih an long sak tikah cawhkuan peknak thantar a zaap lohli. Thuthantu in, “Bualrawn sungah thanthar a um. An pekmi cawhkuan cu pastor parah zaangfahnak a tel lo, …. ka ti duhmi sawn bawlung petu (passer) tican a si.” a ti. Cumi a simmi ka theih tikah ka ruahmi cu: “Pathian in tuni ah kawhhran hrekkhat pawl khal cuvek cawhkuan a pek hngai thei,” timi a si.             

Cuti ih ti tikah pastor pawl hi an famkim tinak cu a si lo. Pastor pawl hi mi famkim ih kan zohbik asile pastor um lomi kawhhran pawl cu zohtthim ding norm ih retmi kawhhran an si ding. Bible in thlaraulam ih in hruaitu pawl upat ding; ahleice in thusimtu le thuzirhtu pawl upat ding in zirh (1Tim. 5:7). Ka ruahnak ah, pastor hnattuan hi hnattuan harbik pawl lakah a tel ve ding. Sanmanzet, khulrangzet le a hnokzetmi atuih kan san ahhin pastor pawl hi an tuah suak thei lo dingmi thil saang tuktuk tuah suaktu dingin kan ring ttheu.            

Ttongkam thawn thazaang peknak le thlacam saknak in pastor pawl a upattu le a tthabik ih hnattuantu kawhhran sungtel si dingin thinlung ttha neih zuam uhsi! Cumi sawn in pastor pawl cu lungawi thathozet le hlawhtlingzet ih Pathian hnattuantu ttha a siter hngai ding.     – Joe Stowell 

Bawipa, mi lawm thiam dingin in bawm aw,

Midang ih hnattuanmi parah;

Thinlung tak ih an lo rianmi parah,

Na hrangah an pumpek awknak parah.  – Sper 

Na pastor parah zaangfahnak nei lomi va si aw hlah,

tuih sun ah thazaang peknak nei sawn aw.

 

(Visited 26 times, 1 visits today)

Comments

comments

Comments

%d bloggers like this: