Zaangfahnak, Lainatnak le Daihnak

July 20

Tlawngkai Nihnih 

Zaangfahnak, Lainatnak Le Daihnak 

Siar:

2 Timote 1:1-10 

Maw ka nunnak Bawipa cu thangtthat aw. … A thuukmi thlan ihsin i suah ih, a hmunmi duhdawtnak le lainatnak thawn i thluasuah. – Saam 103:1, 4 

Kumkhat Sung Baibal:

–   Saam 26-28

–   Tirhthlah 22 

Zaangfahnak le daihnak timi ttongfang hi Paul ih nganmi Thukam Thar sungih kawhhran pawl hnen cibaibuknak cakuat pawl sungah kan hmu thei. Timote le Titus hnenih a cakuatmi pawl sungah lainatnak timi ttongfang tla a telh: Pathian kan Pa le Khrih Jesuh kan Bawipa in lainaknak, zaangfahnak le daihnak thawn lo umpi hram seh a ti (1Tim.1:2).

Zaangfahnak: Co ding tlak lo misual in coter. “Pathian in nunnak thaw le thil dang hmuahhmuah tla in pek” (Tirh. 17:25). Atu ih thaw kan thawt dingmi khal Amah ih in pekmi laksawng a si. Harsatnak kan ton caan khal ah tuar theinak  thazaang in pek.                    

Lainatnak: Kan co dingmi lairelnak cu Pathian kut sungah a um. “Bawipa ih zaangfahnak cu cem ni a nei lo” (Ttah Hla 3:22), lamzin kan pial hman ah Pathian in a hnenih kir saal dingah in bawm.       

Daihnak: Pathian in A minung pawl hnenah thlangam daihnak laksawng a pek. Jesuh in, “Nan hnenah thlangamnak ka lo taanta. Keimah ih thlangamnak ka lo pek a si. Leilung mi ih pek vekin ka lo pe a si lo,” a ti (J0hn 14:27). A siabik caan kan thlen hmanah kan sunglam nunram ah thlangam daihnak kan nei. Kan nun sung hmuahhmuah Pathian in lainatnak, zaangfahnak le thlangam daihnak in pek ding ti thei in Amah ih hrangah kan nun a ttul.    – Albert Lee 

Phurhrit a tam tikah a lainatnak a tam sin,

Ttuan ding a tam tikah thazaang cahnak in pek;

Tuarnak a tam tikah A zaangfahnak a tam sin,

Hniksaknak a tam tikah hnangam daihnak in pek.  – Flint 

Pathian zaangfahnak cu tah theih a si lo,

A duhdawt lainatnak tla cem ti a nei lo,

Amai’ thlangam daihnak khal kaa ih sim theih a si lo.

(Visited 30 times, 1 visits today)

Comments

comments

Comments

%d bloggers like this: