Zaangfah-lainatnak ih Man

October 24

Tlawngkai Nithum

 

Zaangfah-lainatnak ih Man

                                                           

Bible Siar Ding: Puithiam. 16:1-16

 

Cawcang ih thiisen hrekkhat cu a laak pei ih a mehtok zungin kuangsin ih hmailam kap cu a theh pei; cule a hrekkhat cu Thukam Kuang ih hmailam kap ah vei sarih tiang a theh fawn pei.

– Puithiam. 16:14

 Bible in Pathian cu zaangfah-lainatnak ih a khatmi (merciful) a si ti’n a tarlang, asinan ziangruangh si pei Thukam Kuang ih a sin (cover) tettikhannak khi zaangfah-lainatnak tokham (mercy seat) tiih an kawh (hmin an sak) timi khi na mangbang dah maw?

Pathian in Israel mi pawl tlunih zaangfah-lainatnak a neih zia le an sualnak a ngaithiam zia cu raithawinak daan (system of sacrifices) parah a hngat aw. Kumtinte’n Aiawh Raithawinak Ni (Day of Atonement) ah puithiam saang cu hmun thianghlim ih thianghlimbiknak hmun (Holy of Holies) sungah a lut ih raithawinak ih an hmanmi rannung thiisen cu a kutzung mehtok in a tokih Thukham Pahra (Ten Commandment) an retnak Thukam Kuang (Ark) ih a sin (cover) ih hmailam ah a theh.

Pathian in vancung ihsin a “run zoh (looked down)” tikah Thukam Kuang sungih an retmi Thukham Pahra ngannak Lungpheng pahnih a run hmu ding, cumi cu a minung Israel mi pawl in A Daan (Law) an pahbalmi hngilh loih ciinken ringringnak a si. Sikhalsehla, thukham kuang sin parih thehmi thiisen cu Pathian le thukham pahbaltu karlah ah a ding thlang. Kumtinte cuih thiisen thehmi parah hngatsan tahrat in Pathian in a minung pawl parah A zaangfah-lainatnak cu a karhter ringring a si.

Pathian ih zaangfah-lainatnak cu tuni tiang khalah thiisen ih raithawinak parah a hngat aw a si. Sihmansehla, rannung thiisen ai ah kan sualnak cu A Fapa, Jesuh Khrih in veikhat ah kumkhua hrang daih ih a thletmi a thiisen sunglawi sawn in lang nawn lo dingin a khuh ringring a si.

Zaangfah-lainatnak ih khat Pathian, Jesuh Khrih ih thiisen sunglawi in Na Zaangfah Lainatnak in coter thei ruangah lungawithu ka lo sim.

Pathian in vancungram ihsin i run zoh tikah, A kuaimi a Daan maw a Fapa ih thiisen ah khuimi sawn a hmu pei? Tuni ah A zaangfah-lainatnak parah ziangti’n lungawithu ka sim ding?

 

@Pennington

(Visited 22 times, 1 visits today)

Comments

comments

Comments

%d bloggers like this: