Zaangfah-lainatnak Atak in Nunpi

October 25

Tlawngkai Nili

 

Zaangfah-lainatnak Atak in Nunpi

                                                           

Bible Siar Ding: Luka 6:27-36

 

“Na Pa Pathian cu mi zaangfah thiam a si vekin

nannih khal mi zaangfah thiam va si ve uh”

tiah Jesuh in a ti.

– Luka 6:36

 

Zaangfah-lainatnak (mercy) karhzaiter ding timi cu tuah dingah thil olte cu a rak si lo. A san/ruangah pakhat cu minung mizia ah midang pawl ih ttulsammi parah hmuitin ih zoh (focus) loin kanmai’ zawn lawng kan ruah ttheu ruangah a si.

Kan covo le thuneihnak in lon sak asilole in siatsuah sak tikah siseh, kan innsungsang mi pakhatkhat natter a si tikah siseh, kan ttulsammi tuahsak a si lo tikah siseh, kan ruah ttheumi cu kei hi ziangtluk ih duhdawtmi so ka si timi hi a si. Zaangfah-lainatnak kan kai hnget, ziangahtile kanmai’ zawn lawng ruat in kan riahsiattuk ruangah le duhdawtmi kan hnem aw, asilole hih dinhmun hi ziangti’n ka rem thei ding ti kan ruah ruahgah a si. A netabik kan ruah ttheumi cu harsatnak a suahpitu khi a si. An thuhla vun ruah asile in siatsuahnak parah Pathian hnenah thutthen dingin thlacam ding hi a si.

Sihmansehla, Pathian ih in zirhmi cu dodalnak lenglam ih zoh thiam ding khi a si sawn. Amah dodaltu kanmah pawl parih in hmuh daan vekin hmu thiam ve ding in duhsak: kanmai’ ttulsammi vek a ttultu pawl kan hmuh thiam ve ding in duhsak. A Ttongkam – Bible sungah atu le atu in sim cingcingmi cu kanmai’ thuhla a si lo. Kan porh awknak thu, kan covo thu, asilole kan tuarnak thu pawl lawng ruat ding kan si lo. Cumi ai ah, Pathian hnen ihsin kan comi zaangfah-lainatnak kha kan kimvel le kan kiangnai ih um a ttulsammi pawl hnenah siangzet ih zemsin le hlawm vingvo ding hi a si sawn.

Pathian in A man a khungzetmi, A Fapa neihsun nunnak tiang liam a ttulmi a s icing na’n kan hrangah A zaangfah-lainatnak cu a karhter vingvo. Pathian ih in cotermi zaangfah-lainatnak cu zumtu kannih pawl in midang pawl hnenah langter sin vingvo dingih kan pek awk dingmi thawn cu tahtthim ding rual a si lo.

Zaangfah-lainatnak ih khat Bawipa, Na Zaangfah-lainatnak a ttulsammi pawl hnenih ka hlawmsin theinak dingah ka dunglam thuanthu vun ciingmang saal thei dingin in bawm hram aw.

Tuni ah Pathian ih thupekmi ka thlun a si ti langternak dingah

zo hnenah zaangfah-lainatnak ka karhzaiter thei ding?

 

@Pennington

(Visited 20 times, 1 visits today)

Comments

comments

Comments

%d bloggers like this: