Zaangfah hnakih Uak deuh

August 24
Tlawngkai Ninga

Zaangfah hnakih Uak deuh

Bible Siar Ding: Nehemiah 9:17-33

Nang cu zaangfahnak le thinpemnak neitu Pathian na si. – Nehemiah 9:31

Zaangfah zawnruahnak (compassion) timi cu zaangfah (pity) timi hnak cun a uak deuh. Zaangfah zawnruahnak cu midang pawl in zonzaih retheinak an tuarmi kan hmuh tikah kan thinlung sungin nasazet in kan tuarpi ve lawng si loin an harsatnak sung ihsin ruunsuah duhnak thinlung tiang kan neihmi khi a si.

Bible in atu le atu Pathian cu zaangfah zawnruahnak ih khat a si zia a tarlang nolh saal cingcing. Eden hmuanduum ihsin thokin, Bawipa cun Adam le Eve teih pahnih hi an thungai lonak (disobedience) sual ruangah taansan le hnong mai zo ding asinan, Pathian cun cuti’n a tuah siang lo. Cumi ai ah, an hnenah a ralai dingmi Rundamtu ih thu a sim ih an sualnak ruangih buainak pawl tidam theinak sawn a sim riangri a si.

Pathian in Israel miphun cu Amai’ minung si dingih a hril hnu ah, annih pawl cun an Pathian cu thungai lonak le dodalnak sawn in an lehrul. Bawipa in, hiti vekih nan nun asile a hnuthlun a ttha lo ding sokhaw, ti’n raalrinnak a pe cingcing. Asinan annih cun an lungruh le an hngawng khohter in an nun daan kel te’n an nung vingvo thotho. An mawhpalh ruangih nunsim an ton tikah A hnenah an ttap an raak. Atu le atu Bawipa cun an zonzaih retheinak sungin a ruunsuak saal cingcing.

Tuni ah, Bawipa in kan tuarnatnak sung ihsin Amah ih tithei daan lawngin in ruun suak. Sualnak sal sungih kan taan zia in hmu ih kan hrangah Rundamtu Jesuh a run thlah. Amah thawn kan tthen awk ruangih kan zonzaihnak pawl a hmu ih kanmah umpitu dingah Thlarau Thianghlim a run thlah. Hiti ih in zohtthatnak cu kan parih duhdawtnak le zaangfah zawnruahnak neitu Pathian a si ruangah a si.

A thianghlimmi Bawipa, Na zawnruahnak co dingah ka tlingtlak lo, asinan man loin in pek. Tuni ah Na zaangfahnak ih i kulhvelmi parah lungawithu ka lo sim.

Pathian in tuih zarhkar khat sungah ziangti’n so ka parah A duhdawt zawnruahnak cu a thar in a phuanglang?

@ Ava Pennington

(Visited 27 times, 1 visits today)

Comments

comments

Comments

%d bloggers like this: