Zaangfah dilmi Tumtahnak

November 16

Tlawngkai Ninga

 

Zaangfah dilmi Tumtahnak

                                                           

Bible Siar Ding: Daniel 1:8-16

 

Daniel cun siangpahrang inn ih rawl ei tahrat in le zu in tahrat in

rai thiang lomi si lo dingah a thinlung a tthencat aw;

curuangah Ashpenaz cu amah bawm dingah zaangfah a dil.

–         Daniel 1:8

 

Kan zate’n Pathian ih umtermi thuneitu a phunphun, innsangmi pawl, hnattuanak boss pawl, acozah hnattuantu upa pawl, asilole pastor pawl hnenah thulehnak kan nei cio ko ding. Cumi pawl in ruahnak pakhatkhat an neihmi pawl kha kanmah ih tuah dingah ttuanvo pek kan si men thei. Leitlun daan ih kan parih thuneitu pawl in Pathian ih kan hrangah a tumtahmi siatsuah thei ding khop in tuah lo theih lo ih hnattuan fialnak kan ton tikah ziangti’n kan tuah/lehrul pei?

Profet Daniel tla cumi vekih fialnak a tong ve ih ziangti’n si tlunlam thuneitu upa pawl hnenah dotkhat hnu dotkhat zaangfah dil daan ding timi zohtthim dingah a langter a si. A pakhatnak ah, Daniel cu Pathian Thu thlun dingin a thinlung a tthen cat (Daniel 1:8). Cule a bawipa thawn pehtlaih awknak ttha nei thei thotho dingin a zuam (c. 9). Zohkiltu pa in a zaangfah dilngenmi a el tikah, Daniel cu Pathian ih thupekmi pawl pahbal lo ih nun thianghlim nei ih a um theinak dingah a bawipa ih lungkimnak ngah thei dingin lamzin dang ngah ko in a hawl thotho.

Zohkiltu pa in ttuanvo a neihmi cu Daniel le a rualpi pawl tel in mifim pawl kha dam le cak ih an um theinak dingah ei-in tthattha rawl thawzet thawn cawm tthat ding hi a si. Daniel cun zohkiltu pa hnenah zu le sa in le ei ih a nunnak cokpolh vaivuanter ding a duh hrimhrim lo tikah a thusuahmi cu a el ngam ih tlunlam upa pawl ih duhmi tuah theinak ding lamzin dang hawl in ngah ko in a zuam a si (cc. 12-13)

Kan saduhthah (desire) cu Pathian sunloih ding (to glorify God) a si taktak ahcun, Amah in kan tuahsuak theinak dingah lamzin in sial sak ringring a si.

Bawipa Pathian, ka nunnak sungah ka parih thuneitu ka tonmi leitlun bawi upa pawl ih tirhfialmi ka simkir saal theinak dingah fimnak in pe hram aw, cuticun ka hrangih Na tumtahmi tuahsuak theitu ka si ding.

Pathian Ttongkam pahbal dingin fialnak le dilnak ka tong dah maw? Pathian hmin sunlawinak dingah ziangtivekin zaangfah ka dil, leitlun ih thuneitu khal ttihzah upatnak pe thei thotho si in.

 

@Pennington

Comments

comments

Comments

%d bloggers like this: