Youtube In A Runsuak Beiseitu Mithat

IMG_0023LONDON : Scotland mi tlangval Luke Mitchel, kum 24 mi cu, kum 2003 kum ah a fala nu a that asi ti ih puhnak thawn Shotts thawnginn sungah thawngtla rero mi asi. Kum 14 mi a fala Jodi Jones cu a that asi ti inpuh asi. Asinan, amah Mitchel hin a thatlo asi ti in tuini tiang ah a tang rero lai.

Tuini tiang cuti ih a tan ruangah, thawnginn kiltu palik hotu pawl cun, a fala nu a thatlo asi ti a tannak le thu a simfiangnak an neihter. Cumi a simnak cu minute 16 tluk a rei ih, Youtube ah thlah asi thlang. 2012 April thla ah khan hi minute 16 tluk rei video hi an la ih, 12.1.2013, Saturday ihsin Yotube ah an thlah.

A fala nu a thahlonak thu a relnak ih tusuttu hi Bristish Polygraph Association ih secretary tuan rero tu Terry Mullins asi. Mitchel cun, “Himi video thlahnak hmang in, Jones ih sungkua pawl le midang in theitu le leitlun mipi in, diklo zet in thawngthlak ka si ti an theihsuah ka duh nasa. Ziangtin mai fala rori ka that thei ding? Hi video hi zoh cio uhla, mi that ka si lo thu nan theifiang ding” ti in asim asi.

(Visited 69 times, 1 visits today)

Comments

comments

Comments

%d bloggers like this: