Youtube A Thokdaan

Youtube A Thokdaan:

1231692_190908621087643_1827573625_n

Online kan lut tinten kan va leng ringring ttheumi Youtube a thokdaan thu mallai ka lo hlawm ding.

Youtube cu video (zuknung) thlah nak website a siih online pursum leilawn nak hrang khal ah an hmang zet. Youtube hmaisabik a rak tuahthok tucu Paypal ih hna a tuan tu mino pathum te an si. An mah pawl tla cu Chad Hurley, Steve Chen and Jawed Karim ansi. Chad Hurley cu Indiana University of Pennsylvania ah Design in tlawng a rak theh ih a rualpi te pahnih khal University of Illinois at Urbana-Champaign in computer Science an rak theh. Feb 14, 2005 ah domain hmin ‘Youtube.com’ cu an rak tuah thok ih a website khal thla mallai rei hnu ah pehzom in an rak tuahsuak.

Hmaisabik youtube video ‘ Me At The Zoo’ timi cu April 23, 2005 an rak tar. Hih video hi youtube cofounder Jawed Karim in San Diego zoo a feh lai ah a rak zuk mi asi. Tuni tiang ah hih video cu 11million hnak ih tam zoh asi zo.

2006 hrawng ahcun Youtube cu a lar bik le a tthangso rang bik web pakhat ah a rak cang. July 16, 2006 ih survey( zingzoinak) an tuah daan vek sile nikhat ah youtube cu 100 million lai zoh asiih nazi 24 ah video thar 65,000 a rak suak ringring. 2006 kumcem zik hrawng ah google in US$1.65 billion cem in youtube cu a lei.

December 21, 2012 tiang ih mi zohtambik youtube video cu Psy ih ”Gangnam Style” a siih 1billion hnakih tam zoh a sizo. Cun March 21, 2013 tiang ah thla tinten youtube a leng tu user 1 billion hrawng an si ringring. Youtube khal cu February 14,2013 ah kum 8 a rak kim ve zo.

Cerkuk
Source: Wikipedia

(Visited 463 times, 1 visits today)

Comments

comments

Comments

%d bloggers like this: