Yemen Ram Vanzam Tla Black Box Pakhat Hmu

Tihni zanih Indian Ocean tipi sungih tla Yemen ram vanzam Airbus -310 cu ziangruangah a tla ti theih thei nak Black Box pakhat cu  Grande Conor ihsi Km 40 hrawngih hla ah a um ti an theihfiang zothu France Cozah thuneitu pawlcun an simih Himi lasuak dingin France Lawng ralkap pawlcu  tipi sung luhnak lawngthawn kuat an sizo tiah France Cooparation Ministry thupuangtu cun a sim.

Relzo vekin hi  Yemen Vanzam Airbus 310 hi kandung tlawngkai nikhat zanah nikhua sia thli leh ruah sur nasa zet lakah Indian Ocean parah atla ih  runhsuah nak hna tuantu pawlcun  Nunau nauhak Baya Bakari kum 14 micu  nungdam in  an runsuak a si. Hi nauhak hi a nu thawn France ram khawpi Paris ihsi  Comoras ih tlawng an si ih  an tlunlamah vanduai an tong a si tiah a pa sun a sim.

Hi nauhak nute hi Vanzam a tlaklai ah a khawhsuak aw thei pangih Vanzam kekkuai them pawkin tipi parah nazi ziangmaw zat sung a vawk ringring ih cumi cu an runsuak a si. Hi Vanzam ziangruangah a tla ti theih theinak Black Box hi pahnih a umih Flight data recorder timi leh  Cockpit Voice Recorder timi a umih tui an hmuhsuak mihi ziang sawntu a si ticu an simlo.

(Visited 36 times, 1 visits today)

Comments

comments

Comments

%d bloggers like this: