Yemen Ram Vanzam A Tla

Mizan ah Yemen ram Vanzam khual tlawngphur Airbus 310 cu Indian Ocean ah a tla.  Hi Vanzam hin khualtlawng minung 147 a phurih  Vanzam hnatuan minung 11 thawn a tlakpi hai,Hi mipawl lakah minung 66 cu France rammi khualtlawng pawl an si. Hi Vanzam hi Yemen ram khawpi Sanaa ihsin  Comoros ram khawpi Moroni panih zuang a si.

Yemen Cozah thupuangtu Mohammad al- Sumairi in a sim nakah hi Vanzam a zuansuak zikzawngah nikhua a sia zetih thli leh ruah khal a tamzet ih cu ruangah hi Vanzam hi ziangruang bik ah a tla ti theihfiang nak a um hrihlo tiah a sim. Hi Vanzam in voi khatcu tumnak hawlin Vanzam tumnak hmun a panih cumi hnucu hmuhding a um nawnlo tiah an simbet.

Hi Vanzam ih tla minung ruang pawlcu hawlcih an siih ruang ziangmaw zat cu hmuhsuak zo an si, cumi pawl lakah nauhak pakhat cu nungdamin an runsuak.

Hi Vanzam in pan a tumnak hmun Comoros hi tipi kulh pathum a siih, tui vanzam a tlaknak hmunhi  himi tipi kulh pathum sungih tipi kulh pakhat Njazidja ti kulh ihsin a hlalo te ah a si. Hi  Vanzam Flight IY626-A310 hi kum 2007 ah khan an rak zohfel zo ih a thatlo nak thil malte rakhmuhsuak zomi a siih cumi hnu ah France ramah cun hman a si nawnlo ih  tu ah Yemen Cozah in an runhmang sal.

(Visited 26 times, 1 visits today)

Comments

comments

Comments

%d bloggers like this: