Yangon ah CHIN KUM THAR [FANGER]

Buannel*Falam Tlangcabawm | FPMY

Falam Pawlpi, Yangon [FPY] le Falam Pawlpi Mino, Yangon [FPMY] ih ?anrualnak le a hleicein FPMY ih ?uanvolaknak in tui kum 2009 CHIN KUM THAR [FANGER] cu Judson Memorial Hall, MBC ah 12:15 zn ihsin 05:15 zn tiang hlunghlai zet le nuam zetin an hmangtlang hai. Hinah zuk zoh aw…Yangon CHIN KUM THAR

Kan Lai Ram Fing le Tlang ti mi hla zapi dingin an sah hnuah Rev. Sen Hmung ih thlacamnak in can hman an thawk.  FPY Hotu Pu Nawl Hto in thusimnak a nei ih, cu ?heh in FPY Sung?uantu aiawh in Sung?uan bawmtu Pu Hrang Tin Thuan in thuthannak a nei.  Cun FPMY aiawh in FPMY Hotu Salai Peter Lal Din Thar in thuthannak le thusimnak a nei ve.  Cu ?heh in Pu Lal Lian Chung in FPY Directory 2009 thawn pehparaw in thusimnak a neih hnuah, Rev. Thang Tin Sum in FPY EC thar thlacamsaknak a nei cih.  Cu ?heh cun hnihsuahsainak can a si ih, Salai Enoch Lai Nei Pui in duhtawk ih hnihsuak a hnu sai cu mipi cu an hnihnak ah an pum vum hmuah a na thluh thei, an bang thluh thei.  Cun Buannel Music Group ihsin Pempo ben in awnmawi le zaihla thawn mipi an awi peh vivo.

Cun phun 10 ‘D’ ngah pawl le kum 75 le tlunlam upapawl sunlawih laksawng peknak in can an hmang peh vivo ih, FPY upa lak ihsin Tlawmngai hleice: Rev. Dr. Pa Sang, Sung?uan: Pu Timothy Lal Hlun Eng, EC Sungtel: Pu Ral Lian Sang pawl “Sunlawihnak Capi” peknak an nei peh.  Cu ?hehin san thar mino lam danglam zet DVK ti mi Ma Kim le rualpipawl hnen ihsin hmuhnak an nei.  Cun Pu Khuang Lian in fawrhfialnak a neih hnuah, Chin sang le theiti thlum thaw zet eiin tlangnak an nei.  Cun Mosquitos ben pawl cu stage parah an hung kai ih, zapi dingin “Sersiamtu Bawipa” ti mi hla an sahtlang hnuah, Solomon Menrihai, BJ, Susan le ?hangthar nonawn zaithiampawl in zai hla mawi tete sakin mipi an awi peh vivo.

Cu ?heh cun Chin lam dangdang; Tapong, Zanniat le Zahau hnen ihsin lam hmuhnak an nei fingfing hnuah, hrintin ihsin Chin thuam hmuhnak an nei peh.  Cun Promised Land ben pawl in awnmawi le zaihla thawn mipi an awi peh vivo ih, Rev. Hrang Tin Lal ih thlacamnak in can an ti cem.

Tui ?um ih ra suaktu mipi hi an zaten 1500 leng an si ding.  Hall sung khatin tonak an hung ih, mipi an khat thluh, cun a lenglam ih rak um khal an tampi lai.  Can hmandan, tawlreldan ziangkim a ?ha zet, a tluang zet ih, a nuam zet tiah mipi hrekkhat hnen ihsin authawm khal theih a si.

(Visited 80 times, 1 visits today)

Comments

comments

Comments

%d bloggers like this: