Yangon ah CCYI Conference Tuahsuak

Chin Christian Youth International (CCYI) Conference pi cu July 14, 2012 (Zarhte ni) ah Beulah Theological Seminary, Insein-Yangon ah hlawhtling zetin tuahsuak a si thu don a si.

Hi Conference ah Saya Run Rem Lian in Chairman a tuan ih, Pastor Lal Ruat Kim ih thlacam thawn program thok a si. Cule CCYI Secretary Salai DL Senlingin CCYI thuhla simtheihnak a nei ih, cutheh in Mai Lante in pakzai hlasaknak a nei. Cun, Rev. Dr. Hrang Hlei Khuai in Pathian thu simnak a nei ih a theh ah Saya John That Luai in pakzai a sak. Cun, Rev. Mang Herh in calai thu hlawmnak a neih hnuah laksawng peknak in caan hman peh vivo a si.

Salai DL Senlingin J. H. Cope Award ngahtu Vuanci Dr. No Than Kap hnenah sunloihnak capi le Ks. 80,000/- pekhlannak a nei. Cumi theh in CCYI Nunthuleng ngan zuamawknak ih pakhatnak a ngahtu Tleute hnenah cekfeltu Mai Sokhlei Par in sunloihnak capi le US$200 pekhlannak a nei a si. Tleute cu USA ih um a si ruangah a aiawh in Mai Lal Rem Ruat in a rak laksak.

Cumi theh cun Honorable Dr. No Than Kap in Short Speech simnak a nei ih, a theh in Salai DL Senlingin CCYI aiawh in lungawi thu a sim. Zanriah hrangah Even. Za Lawr Khum in thla a cam ih, Rev. Thang Hupih thlawsuah peknak thawn CCYI Conference cu hlawhtling zetin cemter a si.

Hi conference ahhin mipi 60 lengloin an telpi thei ih, program theh hnuah mipi zaten zanriah eitlangnak an nei a si tiah theih a si.

(Visited 65 times, 1 visits today)

Comments

comments

One Comment

  1. Yangon Coference zuk tar dingih Delhi ih Thang kolh zuk lamlam tar.

Comments

%d bloggers like this: