WWW Kan Timi Kum 25 A Kim

download (4)

Van Bawi Lian

Tui kan hman rero mi World Web Wide (WWW tiih laktawi ih kawh) mi hi Sir Tim Berners-Lee, Oxford University tlawng ihsi zirsuak pa ih rak nganthok mi a siih March 12, 1989 a rak ngan thok.
Kum 25 tefang lawng ih upa a si nan a thil titheinak cu mak tara siin leitlun mipi zate komkhawmnak hrangaih hmanrua tumbik le ropi bik a si. A nganthoktu hi mi lar le hminthang ciamco a silonan a thuanthu cu Leitlun IT a cemtiang daih dingmi thuanthu roling a rak ngan a si.

An cafang hmanmi pawl hi IT lam ngaihven paih lemlo hrang ahcun theihṭul ciamco cu a silo. Asinan WWW tiih browser ih kan ngan ringring mi, internet ihsin mail kan kuat awk theinak, cafang sannei danglam zet hi kum 25 a kim ve timi tal kan thei dingka ruahsan a si.

– CERN timi pawlkom European Organisation for Nuclear Research pawl hrang ih ruahmannak hrang a rak ngan thok mi a si.
– 1990 ah Hypertext GUI timi thawn a nganthok salih WorldWideWeb tiin a hmin a pe ih a hmaisabik ih a rak ngansuah mi webpage cu NeXT Cube timi a si.
– August 1991 ah hi an ngan mi cu File Transfe Protocol (FTP) timi hmangin Internet ah hman theih dingin an ret thok.
– February 1993 ah Natioan Centre for Supercomputing Application (NCSA) pawl in Mosaic For X timi an rawn bet ve.
– April 1993 ahcun CERN pawl cun WWW hi mipi zaten hmantheih dingin le manpek ṭullo ih hman theih dingin an tuah.
– May 1994 ah leitlun ramkom pawl in WWW conference cu Gevena khawpi ah an nei.
– October 1994 ah tu ih website pawl tuhnak ding hrang ih bawmtu World Wide Consortium (W3C) timi an rawn hmusuak sal bet.

(Visited 284 times, 1 visits today)

Comments

comments

Comments

%d bloggers like this: