World Refugee Day Ah Mipi Thawngzatel In Upatnak Pek

Leilung tlun huap ih tuah mi 20 June ih World Refugee Day ah mipi 42 million cu ram hruai awk nak that lo ruangih mai ram le inn sang tan tu pawl upat nak an pek. UN Secretary General Ban Ki-moon cun beunak hawl tu pawl cu an inn le lo an duhdawt mi an tan san hi cu an duh hril mi a si lo tin a sim. Zozo khal in beunak hawl pawl cu nan bom cio a tul tin a sim bet. US ram khal in leitlunhuap beunak hawl pawl minung millions pawl ih an ruahnak le an ral that nak hngilh lo nak an tuah mi puai ah kan tel ve a si tin US secretary Hillary Clinton cun tlawngkai nithum sun ah a sim. US khal in mah ram tlan san ih beunak hawl tu pawl cu kan kil him ding ih kan bawm sinsin ding tin a sim bet.

Beunak hawltu pawl hrang hnatuan tu Mr. Antonio Guterres cun tlawngkai ni li sun ah Ecuador khua a va tlawng ih thu kam nak a va pe ta cun World Refugee Day khal Rio De Janeiro ah a hmang ta bet..

UNHCR ih kum cem report tuizarh sung ih a tuah mi vek a si ah cun mi 800,000 lai cu an ram ih um ngam lo in dawisuah mi an si ih 2000 kum ihsin beunak hawl tu pawl ai an tam a ti. Hi mi beunak hawltu pawl hi Ivory Coast, Libya, Somalia, Sudan le a dang ram pawl ih si ra an si. UN secretary cun kan zum hnak in an tam tin a sim, cun hi pawl hi inn sang nei pawl an si ih hlei ah, an powlkom khal siatsuah sak mi pawl an si ih an hmai lam a ra ding mi khal ruahsan nak nei lotu pawl an si tin a sim bet.

UNHCR ih sim dan vek asi ah cun beunakhawltu pawl pali sung ih sin pakhat cu Afghanistan mi asi, cun 95% pawl tla cu Iran le Pakistan ram ah an um. Kum 2002 ihsin 5.5 million beunak hawltu pawl cu an mai ram ah an tlungsal. Asinan 1.7 million cu Pakistan ram ah an hmin kum in an um lai, cun Pakistan ram ih beunakhawltu pawl camps 80 lakah an um ve. Beunakhawltu pawl millions lai cu an mai ram Afghans ah an tlung, asinan a tam sawn cu an harsa, mai khua tan san mi ih tlungsal ih a thawk ih sin tantha khuar cu a har an ti nasa, athen cu Pakistan ram ah an tlungsal tin asim.

(Visited 36 times, 1 visits today)

Comments

comments

Comments

%d bloggers like this: