World Cup Ah Team 48 Tel Thlang Ding

Leitlun ih football lehzuamnak ih tumbik World Cup uktu FIFA ih thutluknak cun 2026 ihsin Team 48 tel thei thlang dingin Zurich khawpi ah mee tlaknak thawn an nemhnget. World Cup teltu hi kum 1998 ihsin Team 32 lawng an rak si.

Hi tiih team 16 an punter ding ruangah World Cup hmannak ih cemliam hi $ 1 billion lenglo a tam phah ding tiin an ti. Netabik World Cup, Brazil ih hmannak ah $11 billion tluk an cem.

A hlan ih team 32 ahcun, bur khat ih cakbik (Group Stage) zuamawknak ah Team 4 ciar in bur 8 an um. Team 4 ihsin a cakbik 2 ciar cu suak khawm in, nehneh kainak (knockout stage) an lek ih cutin a cakbik zuamawk a si theu.

Tui an tuahthar ding mi ih team 48 ahcun burkhat ih cakbik zuamawknak ah team 3 ciar um bur 16 an um ding. Himi bur 3 ciar lak ihsi cakbik pahnih ciar an suak dingih team 32 pawl in nehneh kainak an lek sal ding.
A thar vek ih an tuah miin zuamawknak vei 64 ihsin 80 (Game lekzat) a titam ding nan ni 32 sungah theh a si thotho ding. Team an titam deuhnak in leitlun ramtin ih teltu an tam phah dingih ahleice in Asia pawl hrangah hamthatnak tam zet a um phah ding.#

– Agencies

Comments

comments

Comments

%d bloggers like this: