World Bank in Kawlram $245m Cawih Ding

World Bank pawl cun kan ram hrangah sumpai cawih dingin an rel. Kum 25 sungah tui ṭum ih kan ram sumpai an cawihtum hi a veikhat nak a siih $ 245 million tiang an cawih ding.

Kawlram in World Bank ih abak mi $400 million lenglo a rulh thei ahcun $165 lenglo khal kan cawih sal ding tiin Pemala Cox, World Bank vice president cun a sim. World Bak pawl in $80 Million cu tu ah lak theih cih dingin an cawih cih zo.

Hi sumpai kan cawih dingmi cu, Kawlram mipi ṭhansoh theinak ding hrangih tuahremnak, a hleice in miharsa le nunhar pawl hrangih hamṭhatnak tuahsaknak a si ding ti khal cun Cox cun a sim bet. Kan ram in thla 18 sungih  a tuah dingmi tumtahnak a retmi hlawhtlinnak hrangah a si ding. Hi sumpai pawl hi khawte ih lampi tuahnak, lilawn, tlawng, harhdamnak hrang ih hman ding a si ding ti khal cun an sim tel.

International Monetary Fund pawl in November thla thar hrawngah kan ram sungah an palai cu thlah in an tuah dingmi ih an ruahman mi pawl zohfelnak khal a nei ding.

Kawlram sungih thlengawknak an tuahmi hi ka lungkim zet ih hmailam nawr vivo dingin thazaang ka pe duh a si tiin World Bank President Jim Yong Kim cun an cazual suahmi a rak sim ve. Kan ram hi theihcia zo vek in Asia ram ih ram harsabik pahnihnak a si.

Comments

comments

One Comment

  1. CT pawl nan titha thei zet, nan…nan thulu ngan mi kha
    ka helhkam deuh ih….$245 lawng cawih ding a bang,,,famkim deuh in ngan thei sehla tiah…..Lungawi

Comments

%d bloggers like this: