William Nupi Kate Lawng fangkheh Zuk Ih Buainak

Cambride ih Duke le Duchess siangpahrang sungkua cun an monu Kate ih lawngfangkheh zuk French casual Close pawl in an pholang ih an zuar ruangah an thinheng in thuthennak innpi ah tazacuai an tum.

Kate le William hi leitlun ramtin ah Britain siangpahrangnu Queen Elizabeth II Diamond Jubilee sunlawihnak ih khualtlawng rero lai an si.

Hi Kate lawngfangkheh ih an zuk mi hi cu an mimal nunih an covo pawl pahbalsak in mualphoh duhnak a si tiin lal sungkua thinheng cun an sim. French thuthen innpi ah Kate le William, siangpahrang innsang pawl cun Kate ih lawngfang kheh zuk cu siatsuah thluh ding, hmun dangih hman nawn lo ding le an mimal canvo pawl an pahbal mi pawl zahding ngennak an nei ding.

Closer zohfeltu Laurence Pieau cun hi kan suahnak ruangah an mimal nunih tiniamnak zianghman kan tuahmi a um lo ih an nupa in an theithiam lo sawn a si a ti ve. Hi lawngfangkheh zuk hi kang dung zarh ih lakmi a siih Lord Linley Siangpahrang nu ih tunu ih inn Chateau ramthen ih an riahbuk ih an um lai ta an lak mi a si.

An nupa cun hi zuk ruangah an thiltuahmi a tibuai lo thu an sim ih an khualtlawnak khal peh vivo in Singapore, Malaysia, Solomon Islands le Tuvalu pawl khal an siangpahrang nu bik aiawh ih antlawnnak pehvivo an tum.

PAA, AP

(Visited 221 times, 1 visits today)

Comments

comments

Comments

%d bloggers like this: