Wikipedia Website Nazi 24 Sung Cawlh Ter A Si

BBC, Telegraph.co | January 18

Leitlun ram tin ih mipi in an siar theumi Wikipedia website cu Jauary 17, tlawngkaini hnih ah nazi 24 sung cawlhter a si ding thu an rak phuan zo vek in tu’ini January 18, tlawngkaini thum ah cawlh ter a si.

Website-pi cawlhter a sinak san cu America cozah in mipi in online ihsin cozah siannak tello ih ca, zuknung, zuk le thil dangdang an lak theu ruangah le online ih mipi in thil an duhduh an cah theumi cu cozah in thleng damlang a tum ih online daan le dun a tuah cu Wikipedia website sung tuan pawl in online dan le dun an tuah tharmi, SOPA (the Stop Online Piracy Act) par ah an lungawilo ruangah an lungawilonak lan ternak ah hivek ih Wikipedia cawlh ter a si thu thuthangca in tarlang. Wikipedia lengtu mipi hnenah an lungawilonak an langter thu cu an websit sungah an website awn ve te’n lang ding in le mipi in a sair thei ding in an ret ruangah mipi khal an lungawi lonak langtermi ah tamzet cun an telpi thei a si.

Wikipedia website hi nikhat ah mipi 31 million in an leng theu ih cuvek ih nazi 24 sung an cawlh ter ruangah mipi tam zet cun harsatnak tampi an tawn phah a si. America cozah cun mipi lungawilonak an lantermi cu ngaihtuah sak a tum thu thuthanglatu hnenah a sim ih asinan mipi lungawilo pawl cun a rang theibik ih an duhmi tisak ding in an nawr rero lai a si.

(Visited 36 times, 1 visits today)

Comments

comments

Comments

%d bloggers like this: