What is prayers? Thlacam ih tican ziang asi??

Cutin sutaw cio sehla kan simrel dan abangaw lo ding.

Thlacam ih tican cu:

Kan tulmi thilleri dilngennak
Pathian rinsannak
Pathian thawi biakawk
Pathian hnenih tulhaimi simtheih
Pathian tong ngai rero
Pathian thawi nelawzet le mahrual pivekih pawlkomnak
Ngaidamdilnak
Sual phuannak
Raithawi hlanawknak/ Nunhlan awknak
Ngaidam conak
Pathian kan rinsan zia langtertu
Amah lo in zianghman kan ti thei lo ti a fiangter.
Pathian ka zumnak langtertu
Ziangkim a tuah thei tizum ngamnak
Pathianin catbang loin in umpi asi ti theihfiangnak

Jesu in dungthluntu hlaihnih ziangtin thlacam a zirh?

‘Vancung ih a ummi kan Pa,
na hmin thianghlim cu upat
si ko seh;

10Na Uknak thleng hram seh;

Vancung i na duhnak tuah a si
bangin leitlun khalah tuah
si ve seh.

11Nitin kan ?ulmi rawl in pe aw.

12Mi in kan parah sualnak an tuah

ih kan ngaidam bangtuk in,
Kanmah ih sualnak khal in ngaidam
ve aw.

13A harmi hniksaknak tuarter loin,

siatnak ihsin in hum hram aw Matt 6:9)

Fiangternak: Mipakhat hnenah thil ka dil asi ahcun a nei asi amah in pe thei ti ka zum, ka rinsan ruangah asi. Cuvekin Bawi Jesu thlacamdan hi ngunngaihzet ih zoh rero tikah kapa “Pa/ Abba” timi tongfang a hmang…Nauhak pawl ih Pa Pa hmuk in leihaw hmukphu in peaw ti rinsanzet ih an dilvekin a dilve asi. A mithmai a zoh. “Nadan a duhtu pawlcu humhimnak famkim an ngah zianghman in a BAHTER lo ding ( Sam119:165)
Kafanu Julia Sui (Naute) thlali mi tehin amangsiat can le a thinphan thinthir tikah keimai ka cawi dingle ka pom ding hngak hlapzet in mi arak zoh kerki ih..  Julia Sui hi a Nulepa in kan kilkhawi ka cawi a ttah ka siang lo.Cutikah ziangtluk in in rinsan ti ka thei fiangmai Cuvekin Pathian in duhdawtnak duhdawt lainatnak thawn in kilkhawive.. Pathian cun sunsunzanzan in afa lehpawl hi a ngeihven in inkil khawi ringring asi.Tihphan ding zianghman a um nawn lo  hnangamten lenguhsi.”Na thu cu ka ke hrangah meiin a si ih ka lamzin hrangah thleunak a si.( Sam 119:105)

Thla kan cam tikah sullam neimi umzia nei tongfang a kan ttul ngaingai mi lawng simrel ding asi.

Thla kan cam tikah Pathian aw kan thei ih ka hnga a ngam. Thlarau thianghlim in pawlkom thu in sim um men ih THINHAR rero a thahhnem lo thukahl fianfzet in sim. Tlun zuang Vate pawl tahhimnak ah a hmang.”Van ih a zuangmi vate khi zohhnik uh; annih in thlaici an tuh lo, rawl khal an khawm lo ih cuam sung khalah an khawl lo. Asinain vancungih a ummi nan Pa in a cawm thluh a si. Vate hnakin tampi nan sunglawi sawn a si lo maw? Nan donhar ruangah nan nunnak caan tawite tal nan sauter thei maw? Cun ziangah so hnipuan thu ah nan don a har? Hramlakih pangpar khi zohhnik uh; hna an ?uan lo, pathnuk in thiam an tak fawn lo. Asinain atu-ah ka lo sim: siangpahrang Solomon hman, kha tlukin a lian nain, a lennak le a hnipuan in hi pangpar ih mawinak a tluk lo a si ( Matt 6:26-30)

Thlcam ih rahsuah mipawl:
Tisuar lian daiter
Mithi a thoter
Mi naa biasezet a damter
Kum 12 thiput nu damter
Nunau khawsik natnak neitu hnenah Jesu in thla a camsak ( Jk 4:38)
Mipi natnak a dai i an dam ( Lk 4:40)
Miphar tlunah a kutsuang in thla a camsak ( Lk 5:13)
Ahleice in ka nunnak ah ningtih le hunau cuarco vekih ka um can thla ka camcun hnangamnak ka nei.
Adil tu pawl an ngah…etc..
Pa Pathian in dil dingah in fial hrimhrim. Kan tulmi eilein hnipuan damnak hawipi sungkhat unau miphun ram hrang thimnakah ( ICA rinsan tlak pawlkom hrang thlacamsak kan tul )fimthiamnak hrang dilngen uh in ti..
Company neitu in a Company hrangih tul le ahnatu hrang ziangkim a ngaihsak vekin Pathian in a ngaih tuahsak a si..Rilrawn tihal hlawhsam ih kan um lonak dingah dil uh in ti…Jesu David ih Fapa in zangfah hram aw. ( Mark 10:46)

Ngaidam nak thawi thlacam dingah in forh. Midang hrangih thlacam dingah in fial betfawn.Khatlekhat hrang thlacamsak ton kan tul asi.
Jesu, Dungthluntu, Zumtu hmaisapawl nasazet thla an cam vekin kan nihkhal lungtakin A hnenah thlacam nun neitu le nitin amah rinsannak thawn thlang lengtu sihram uh..Culen   kan sunmang ( Vision) pawl Kan rinsan bikmi LALPA  Pathian in famkimter hramseh.

(Visited 41 times, 1 visits today)

Comments

comments

Comments

%d bloggers like this: