Vun Ih Bentheih Taksa Natnak Check-tu

10308264_708507319212581_3700910651754282474_nAlex Thangte

US, Australia le Switzerland ih laboratories pawl ah cun doctor thiamsang pawl in hi thil hi an hlawhtlin zo.

Bionic an timi, Flexible Ultrathin Electronics cu mi damlo operations ti vek caan ih hman ding ih tuahmi a si.Hi thil hi (tattoo) taksa par ih thil suaimi tluk in a paa ih cu cu a phu dep do rero mi operation tuartu pa ih thin (heart) leng te ih ben a si ih cui thil cun cui mina pa lo le nu ih operation nak na khal a sawksak ih a thin phu( heart beat) a rang, a muang ti pawl le a taksa hlum (body temperature) le a taksa sung ih thil diklo, natnak pawl kha lenglam ah report a pe thluh ding ih cubak ah hi thil hin anatnak zir zir in sivai thawi tuamhlawmnak khal a pe thei ti a si. Cu tin natnak pawl a damfel tik ah hi thil cu taksa hrang zianghman poi khoih lo vin kha tin taksa sung ih tiral ih zuphlo thluh thei ih tuah a si.

A hnuai ih zuk khi digital electronics thil a si ih paa ttha ngai ngai le duh tawk ih faan aw thei,cat lo ding ih tuahmi a si. Hi hi wireless thil a si ih taksa Hlum (body temperature), thin phu (heart beat) a teh thei ih taksa ih natnak a um mi pawl report a pe thluh thei ti a si. Amah hi duh tawk ih bil thei, vun vek tluk le paa ttha ngai ngai, cat mei mei lo ding ih tuahmi a si . kan damlo hnu in sizung va feh in doctor pawl in in check ciamco ih cubak ah in pekmi sivai pawl le nat tehnak bungrua pawl hi hmuntin ah kan keng thei si lo abuaithlak tuk. Curuangah hi thil hin tampi in bawm ding ti ih tuahmi a si, ti in researchers pawl in an sim.

Hi thil pawl hi rannung pawl ah cun an hlawhtling zo ih minung hrang ih tlangzarh ih hmantheih si ding cun caan tawkfang cu kan ttul ding ti in Seoul International University (South Korea)ih Dr cun a sim.

(Visited 379 times, 1 visits today)

Comments

comments

Comments

%d bloggers like this: