Vok In Naute Ei

Vok sual
Wei Tsao asilole Keke tiih kawhmi, naute kum(2) mi cu Vokpi in a keuthat ti asi. An umnak, Eastern China, Jiangsu province, hmuan sungih a leh rero laiah a Nu le Pa in innsung ah an rak luhsan duak.

Cu’i sungah Keke cu Vokinn lam panin a rak vaak. Vokpi cun a fa le pawl humhim dingah Keke cu nasa zetin a rak tuahmawh. Cuihnu ah Vokpi in Keke ih Luu ah a keu. Keke cu tih le thlaphang in a aukio,a raak ciamco ih a Nu le Pa cu innsung ihsin zamrang zetin an ra suak. Asina’n caan a rak tlai tuk zo ti asi.

Kum (25) mi, Keke ih Pa, Sun Tsai cun kan fapa te ih au-aw kan theih ahkhan innsung ih kan um kha minutes hnih sung fang lawng asina’n kan ra suah ih kan hmuhmi cu 80meters hlatnak hmun ih um, Vokpi cun Keke ih Luu a keu/tam rero zo tiah a ti.

Vokpi cu Keke a ei ngah hnuah kaih asi. Thingkung ah an ten ih an that. A pum an khei ih Keke ih Luruh le Sam pawl cu an hmu.

Hivek cu tihnung tukmi asi, Vokpi ih pum khei lo a ngah lo. Kan thah khal hi lehrulhthah asilo, hi Vokpi in Keke a keuthat asi ti tetti hmuh duh sawn ah asi tiah an khua hotu, Cheng Yuan (kum 62) in a sim.

Palik thuneitu pakhat in Vokpi pawl cu kilkhawi ol/nuam an sina’n fa an von tikcu le fa an neihpek tikcu asi ahcun an fate kilhimnak hrangah tiin an hmuhmi pohpoh cu an raal ah an ruat. Vok vulhtu pawl kha an Vok, Vokinn ih ret dingah kan forhfial duh bet ti’n a sim.

Source; Stomp

Comments

comments

Comments

%d bloggers like this: