Voikhat Ah Naute 8 (Pariat) Hringsuak

January 28, 2009.
by- Khuang Lian Sum
 
Muslim Pawl hi America Hmelma (ral) An Silo,
 
US President Barack Obama cun President a si hnuih TV Interview a neih hmaisa bik nakah. Muslim pawlcu America ih ral hmelma an silo tiah a sim.  Obama cun Dubai ih hmunpi neitu Al- Arabiya Netwark hnen ah thusim in, Iran khalin a kuttum a hum hngekzet mi a thlah nemsal ah cun  America cu rualpi tha sinak banphar dingin a man ringring a ti.
 
Himi laiah Middle East ih US palai  George Mitchell cun  Middle East ram pawl a fang rero laiih. Egypt President Hosni Murabak cu bia’n Gaza ih rualrem nak tuahdan ding a tawlrel piding.   Relzo vekin Egypt hin  Israel leh Palestinian pawl karlak ih rualremnak tuahtum ‘n palai a ttuan rero ih .  Cu tivek thotho in  Palestinian pawl pahnih hua aw zet  Hamas leh Fatah pawl karlak khalah rualrem nak tuahhi a tum rero.
 
Obama cun US cozah khalin thildik tawklo timi cu a neive theu ih . US cozah thar cun  a nemzawng leh boruak thazawng ih hnatuan a tum asi a ti. Middle East thuah US cun Israel cu a tan tiah a puangbet salih. Asinan Israel khal a duhduh ihtal mailo’n tikcucan khirhkhan zet a neive thei ti thei aw dingah a duhthu asimbet.    US palai George Mitchell hin Egypt President Hosni Murabak a biakhnu ah  West Bank, Jordan, Turkey leh Saudi Arabia a palsal dingih  Europe ramsungih  a cawlh laiah ram hotu ziangmaw zat a kawmcih dingtiah State Staff thu puangtu cun a sim.
 
White House cun tuidin hmunih leitlun ramtampi hrangih tthinung leh kilkhawi ttulbik cu  Afghanistan asi tiah a sim.  Thil umdan boruak a buai vivo lonak dingah US cozah tharcun tan a la rero laiih. America minung pawl humhim nakdingah theitawk in tan a larero tiah asimbet. White House thu puangtu cun  US President hrilawk zikih Campaign laiah Obama cun  thi umdan in siatlam a pan ruangah Afghanistan ah hin ralkap kuatbet a ttul tiah araksimzo.a ti.
 
Afghanistan ih Al-Qaeda pawlcun kum 2001 ih 9/11 vekin America ramsungah buainak tuahleh an tumtiah theih asi ih . Himi ruangah President Obama cun Defence Secretary Robert Gates, Joint Chiefs of Staff Chairman leh ralkap hotu pawl kokhawm’n  Afghanistan leh Iraq ram thuhla  a relpi cih.
 
Voikhat Ah Naute Pariat 8 Hringsuak
 
America ram California ih nu pakhat cun  tumkhat ah naute 8 a hringsuakih. US ramih naute 8 hringsuak a vawihnih nak a si. Hi naute pawlhi an suahding tikcucan ih ruahmi hlan zarh kua ah an suakih. Los Angeles sizung ah zaisuah an si. Hi naute pawlhi fatak tete an siih  gram 820 Kg 1 leh gram 47 karlak hrawng hlir an si. An harhdam naklam cu a thazet tiah Doctor pawlcun an sim. Hi naute 8 hringtu nuhi a hmin an rellang duhlo ih   Siizung ih naute tuamhlawmtu pawlcun hiti vekih minit 5 dandan ih naute 8 hringcu mak an tizetin ropi an tithu khal an sim. A hlanah cun Doctor pawlcun himi nui pumsungah naute 7 a umtiah an theiih asi nan 8 a runhringsuak asi. Tuihlan ah naute 8 hringhi an rak umzo ih 1998 ah khan Houston ah an suakih  lehhnu reilo te ah pakhat cu a thiih a dang 7 cu tui kandung December thla ah khan an suahni an lawm.
 
 
Iraq PM In US Ralkap Hnuh Kir Beisei.
 
Iraq Prime Minister Nouri al- Maliki cun  America thawi thuthlung an tuahmi  kumthum sungah America ralkap pawlcun Iraq an suahsan ding ti asiih  Iraq PM cun cumi hlan ah US cun  ralkap pawl Iraq ihsin an hnuhkir a beisei thu a sim. US President hlun George W Bush thawi thuthlung anraktuah nakvek asilen.  US ralkap pawlin tuikum June thlacem hlanah  Baghdad khawpi leh khawpi dang pawlcu an suahsan dingih  Iraq ramih US ralkap pawlcun  2011 ah  Iraq ram an suahsan thluh ding ti asi. Obama cun  Campaign a tuahlai ah  US ralkap pawlcu Iraq ihsin thla 16 sungah hnukkir salthluh dingin a rak tiamzo.
 
Al-Qaeda Pawl’n US Embassy Hro.
 
Yemen ramih US Embassy cu  Al-Qaeda pawlin an hro lehsal ih America mipawlcu  Arab ramah fimkhur leh ralring dingin an cah ih tlunah Al-Qaeda pawlih umnak hmunpi a si tikhal theih hngilh lo dingin an simbet.  Kan dung September thla ah khan  Sanaa ih US Embassy kawtka ah thihcilh Bomb Car hmang ih tipuak asiih minung 16 an rakthiuzo khami bomb kha Al-Qaeda pawlcun an maitimi asi tiah an puangsal. Tulai Yemen ramih Al-Qaeda pawlcun Internet ihsin  mi hrinhro nakthu an suah nasa ih khawthlang lamram leh an mipi pawlcu thahrum leh ralthuam hmangih  hnattuan dingin an hro rero . Guantonamo Bay ih US thawngIn ihsi tuikan dung naite ih an suahmi Saudi Arabia mi pawlkhal in an pawl Al-Qaeda pawl an zawmsal thu an simbet…
 
(Visited 100 times, 1 visits today)

Comments

comments

Comments

%d bloggers like this: