VOA Thuthanglatu Pakistan Ah Kap That

TOI, VOA | January 18

VOA (Voice Of America) thuthanglatu Pakistan ram milesa, Mukarram Khan Aatif cu Pakistan, Peshawar ah zoti theihlo hriamhrei keng pakhat in January 17, tlawngkai nihnih ah a kap that.

Mit ihhmutu le palik pawl ih rel daan vek a si ah cun  Mukarram Khan Aatif cu Khyber-Pakhtunkhwa province, Shabqadar khawpi ih Muslim mosque(Muslim pawl an pathian an biaknak hmun) ah zinglam ih tawngtainak a neih lai cu mipahnih zoti theihfianloh cu kehnihnei(bike) thawn a umnak hmunah an ra thleng ih pakhat sawn cun a sungah lut in Aatif ih tawngtai lai cu a lu ah le a awm ah an kap a si.

Aatif hi kan dungnaite ah cozah ralkap hnen ihsin hringhronak a rak tuar zo ih tu ih kah a tuarnak san khal hi a mah hringhrotu pawl ih hnatuan a si. Aatif hi Pakistan journalist le VOA thuthanglatu pakhat a si ih Dunya thuthang channel ih correspondent khal a si. Reporter hmin tarlan duhlotu pakhat cun, “ Pakistan cozah cun journalist hmuhhmuh humhimnak pek hi a ti ding a si, a bikin hringhro tuartu pawl hi. Cutiasiloahcun, Pakistan ram sung ah tansohnak a um thei ngaingai lo ding.” tiah a rel.

Pakistan information minister Firdous Ashiq Awan cun Pakistan cozah in Aatif kap thattu cu a theitawk ih hawl ding thu le Aatif ih insungsang hnenah sumpai in bawmnak a pek ding thu a rel.

Pakistan ram cu organization dangdang pawl in kum 2010 ihsin thuthanglatu pawl hrangih tihnungumbik ram pakhat ah an rak phuang zo a si.

Comments

comments

Comments

%d bloggers like this: