Victoria’s Secret Rak Dintu Roy Raymond Kha!

VS
Victoria’s Secret timi cu mikip ih theihmi Leitlun sumtlelet tuahnak ih Brand hminthang pakhat a si. Asinan zo in a rak din timi le a rak dinsuak tu pa ih thinnat umza dinhmun cu a theitu an mal ngaingai. VS a rak din thok tupa hi Roy Raymond a si.

California ih Roy Raymond timi pa cun a nupi hrangah sunghruk(underwear) lei dingin dawr pakhat ah a va feh. Dawr sungah a mit la theitu sunghruk a hmuh lo hlei ah dawr sung um minung pawl cun zohniamnak mithmai thawn an rak zoh cu a lungkim thei hrimhrim lo. Curuangah sunghruk lawng rori zuarnak dawr ong thok dingin ruahnak a nei ih dawr sungah mipa khalin zalen takin thil an lei thei ding tumtah in a tuahsuak. 1960 kum hrawngah sunghruk pawl hi thungaithlak ih caan pekin design an rak suai lem lo. Hruk a țul ruangih hruk ding fangin an rak țhit. 1977 kum ah sum nu $80000 cem in dawr an rak ong thok. A dawr cu a hlawhtlng tukih 1982 kum ahcun dawrțek 5 tiang an tipung thei.

Asinan a sersuahmi design pawl cu mipa duhzawng/ mipa mit la zawng hlir an siih a taktak ih a hruktu nunau pawl hrang a ruah cih lo thu cu a rak thei aw lo. Curuangah VS cu nuamteten a tlasia vivo ih Les Wexner hnenah £2.6million in a zuar. Cu hnu ah My Child’s Destiny timi nauhak thilri zuarnak company a din sal. A hlawhtling thei loih himi hnațuannak ruangah £650000 le a innpi pahnih, a motor tiang a sung thluh rialrial.

Asinan a beidong hrih cuang lo’n nauhak cabu zuarnak hna, innsang thilri zuarnak hna, sam lem zuarnak hna ti pawl hnakip a țuan vivo. Pakhat hman hlawhtlinnak a hmu ngahsuak thei nawn loih leiba vanbawr in a tangih 1993 kum ah a nupi thawn an țthen aw.

Himi tikcu caanah Victoria’s Secret cu US ih nunau sunghruk zuarnak company tumbik sinak dinhmun ah a ding. A hna hlawhtling loih sung, leiba thawih um betah innsang țhențhek aw dinhmun a sinak ihsi tlansuahnak pakhat lawng a hmu thlang. Cutin kum 46 a simi Roy Raymond cu 1993 Aungust thla ah San Francisco ih Golden gate lilawn par ihsin a dawp that ta!

source: elitedaily ih ta Myanmar Youth Media Club in an letmi a remdan ih letsin si.

Comments

comments

Comments

%d bloggers like this: