Venezuela Ram Leh Colombia Ram Din Hmun

Venezuela Ram Leh Colombia Ram Din Hmun 

Venezuela ram leh Colombia ram pahnih ngaih awlo leh hngir hngo awk ringring nakcun zia um lam a pan thei cuanglo ih, ram pahnih hi kap aw theimai dinhmun ih ding ringring an si ruangah, Venezuela President, Hugo Chevez cun an ralkap pawl cu ralring ringring dingin tuisun ah thu peknak a suah ih Colombia ramri khalah an ralkap 15,000 kuat dingin thu a suahzo ih Colombia ram thawi rualrem awknak tuah dingcun ralkap cahnak hman locun lamzin dang a umlo tiah Venezuela President, cun a sim.
 
Venezuela President, Hugo Chevez ih thusim mi let nakah  Colombia President, Alvaro Uribe cun  UN Security Council leh  Organization Of American States pawlin an bawmding thu  a simih, Venezuela ram cu leitlun ram dangdang ih duhdan leh  ttha tidan pahbal ih um hi nuam a tizawng a siih, Cui tlunah Latin American ram pawlih duhdan  dodal tu ah a puh.
 
Tuikum July thla ihsi Colombia Cozah in a ramsungih US Ralkap pawlih ttumnak ding Vanzam ttun hmun a pek ihsin Venezuela leh Colombia ram pahnih karlak hi a sezetih, Venezuela President, Hugo Chevez cun  an ram an siim duh ruangah Colombia in US ralkap pawlih ttumnak ding vanzam ttumnak dinghmun a pe tiah a puh, Asi nan Colombia Cozah cun an ramsungihn US ralkap pawlih ttum nakding Vanzam ttumhmun an peknak sancu an ramsungih Misual rit theihthil ih sumdawngpawl dopi tu dingih an tuah mi a si tiah a simve.
 

Germany Ram In Lawm 

Germany ram pahnih ih tthentu hawikham pharpi an sutsiat nak kum 20 kimnak ni cu ropi zetin Berlin khawpi saklam ih Gethmany ah tuisun ah an lawm thok, Germany ram pahnih ih tthentu hawikham pharpi sutsiat an si ihsin, East Germany leh West Germany cu ram pakhat ah an rungcangih, himi langter nakah himi lawmnak ih ratel ramdang mi pawimawh pawlkhal  East Germany ramri tiang an ke rori in fehter an si ding,
 
Germany ram pahinh ih dangtu hawikham pharpi an sutsiat ihsin Communist thilti theinak cu a cem ruangroih, Germany ram pahnih cu ram pakhat ah a rungcangih Cold War khal a cemcih.
 
Kum 1961 ah khan Communist East Germany cun an ramri tthentu hawikham pharpi Km 155 ih sau cu  Berlin khawpi thlanglam tiang kulh ter thluhin Cement Concrete in an dawlih, hihi an mai lakih minung pawl Communist duhlo tupawl an tlansuak theilo nakdingih tuah mi a siih , Himi hmunih Communist duhlo tupawl minung 100 lenglo cu himi hawikham pharpi ah an that.
 
Himi hawikham pharpi an sutsiat ihsin Germany ram cu ram pakhat ah a rumgcangih  tui German Chancellor, Angela Merkel khalkhi East German ih tthanglian a si. Himi hawikham pharpi an sutsiat tikcu lawm nakah  Soviet Union hruaitu hlun Mikhail Gorbachev, Poland President, hlun Lech Walesa, Hungary Prime Minister, hlun Miklos Nemeth pawlkhal an tel.
 

India Ralkap Bawibik Isreal A Tlawng 

India ralkap bawibik General, Deepak Kapoor cu ni 3 sung caam dingin tihni zanah Isreal khawpi Jerusalem a thlengih, Isreal ralkap leh India ralkap pawl peh thlaih awknak ttha  a um sinsin thei nak dingah General, Deepak Kapoor hin  Isreal ram a caam sungah, Isreal Defence Minister, Ahud Barak, Chief Of Staff, Lt General, Gabi Ashkenezi leh ralbawi dangpawl a kawm dingih, cumi ih tlunah Isreal Defence Force Command khal a palding.
(Visited 40 times, 1 visits today)

Comments

comments

Comments

%d bloggers like this: