Venezuela Ram Hruaitu Chavez Duhlotupawl In Lamzawh Tum

spain-venezuela-protest-2009-9-4-8-40-38CARACAS : Venezuela ram ih an hotu, an President cu tu ah damlonak ruangah, ram rorelnak ah a telthei tuk nawnlo. Cumi ruangah Cuba ram sizung ah tu le tu feh in a harhdamnak a cekfel. A cancer natnak hi tu cun a roh deuh thlang ruangah, a dinhmun khal tihnungum ah a din vivo khal zum um zet.

Culai ah, nikum October 7 ah khan, Venezuela ram ih President ding ih hrilsal asi ruangah, January 10 ah thutiam laknak neisal ding asi. Asinan, tu ih a dinhmun zoh ah, Chavez hin thutiam a lak thei a zum um ngaingailo ih, cumi cu cantha ah hmangin, khatlam party cun an president in ram a hruai thei nawnlo asi ti langternak ah lamzinzawh an tumthu an than.

Khatlam party Justice First Party ih an hotu Julio Borges cun, “ January 10 ih thutiam laknak cu president in a thulh pang asi ah cun, kannih party cun lamzin zawh ding in kan man cia asi. An party sung ih buainak men ruangah kan ram rorelnak cu a siat vivo ih, cumi cu kan ramsung mipi, leitlun mipi le leitlun hmuntin ih um kan palai pawl in an theih thluh ding hi kan saduhthah mi cu asi” ti in an party ihsin thusimnak a nei.

Chavez hi tutiang ah surgery voi 4 tuah asi zo ih, a harhdamnak a thatlo ruangah tu ah hin an ram cu Vice President Nicolas Maduro  cun an ram rorelnak cu a kai lai. Vice President cun, “ President a damlonak ruangah, January 10 ih thutiam laknak cu thulh hrih asi mai thei asi” ti in a sim. Kum 14 sung Chavez hin Venezuela ram ah President tuanvo hi a tuanzo.

Comments

comments

Comments

%d bloggers like this: