Vanzam

“Si le…kan umnak ciar ah rinum ten aw” ti phah in an kut kai aw mi cu siang lo cing ten an thlah aw ta…

Asinan an mit cu khaw dang khal tang thiam lo in an zoh aw ring ring…..

An thenaw ta……ziang tikah an tawngaw sal ding ti an rel thei nawn lo,..

An nawm lai, an hnih lai, an lek lai, thunuam an rel tlang ih an kuahawk laipawl cu thuanthu mawi vek menah a cang ding cu siang lo zet hmansehla,,,

ziangtitha an thu a si lo…Vanzam a suak zik thlang………

Vanzam a suak zik thlang “Par te” ti ah a  ko nan a thei thei nawn lo…

“Ka hmin cu Par te a si ih cun……..” ti ih a tawnawk pek ih a ttawng ta mi ……

“kei tla ka lo duh ve tuk si..” ti ih a sawn lai ih Parte ih mit meng…

“Nunau dang vek ka si lo ding kei cu ….” ti ih ning zak phah tei a ti lai pawl ruat phah in,,,

Duhdawt nak hi tthenawknak maw ti in

a cal dawm phah in,,,
Aw Van Zam
Zo nih a lo ser
Ka duh mi i phur hlo saktu dingah

Aw Van Zam
Zo nih lo fial
kan nawm lai par in khiah sak dingah

Aw Van Zam
Zo nih lo thlah
Duhdawtnak ziamter dingah

Aw Van Zam
Ka lo hua, Nang mah ruangah
Nangmah ruangah
Ka uai ta

Aw Vam Zam
cu lo le
In hruai ve aw
ka duh mi Parte hnenah.
Salai Lai Meithal

(Visited 43 times, 1 visits today)

Comments

comments

One Comment

  1. na thiam tuk aw,,,hi vek lam hi ka uar thei tuk khaw…rak hlawm theu awla aw..
    ka siar phah ten ka hni rero ..ka thin anuam.ka lungtla a leng phah..ahlan thuhla
    ka vawn ruat ih ..heee,..lungawi tuk maw…
    lungawinak tampi thawn
    boihtepa
    MALAYSIA

Comments

%d bloggers like this: