Vanzam Tla Tam Deuh Deuh

Cuba Ram Vanzam A Tla

Cuba ram khualtlawng phurtu  Vanzam Aerocaribbean Flight 883 cu a tla ih, a sungih to minung 68 an thi. Hi Vanzam hi Cuba ram saklam Santiago de Cuba khua ihsi  Havana panih zuangsuak a siih, Guasimal khawkiang ah a tla. Hi Vanzam sungah khualtlawng minung 61 leh Vanzam hanttuan minung 7 an to ih an zaten an thithluh a si.

Cuba ram vanzam thuneitu pawlcun hi Vanzam tla ih mithi lakah ramdangmi minung 28 an teltiah an simih, hi Vanzam hi ziangruangah atla ti fiangtei theihnak a um hrihlo ih an zingzawi rero lai, Cuba ramah hin  Vanzam tla hi a tamtuk dahlo ih kum 2002  Vanzam pakhat a raktla zoih khami ttumah minung 16 an rak thizo cumi hnuah tui ttumhi a tlaksal hmaisa biknak a si.

Pakistan Ramah Vanzam A Tla

Mizan zingah khan Pakistan ram khawpi pakhat Karachi Airport ihsi zuangsuak US Oil Company Vanzam cu a tlaih,  Vanzam sungih to minung 21 an thih thluh.

Pakistan  Aviation Authority hotu pawlin an sim nakah hi Vanzam sungah Oil Company hnattuamtu minung 19 leh a Vanzam mawngtu Pilot 2 an to ih an zaten an thi tiah an simih, Karachi Airport ihsi an zuansuak hnu reilote ah Pilot pawlin an Vanzam ceet pakhat an hman theinawnlo thu Air Traffic Controller pawlih hnenah an simih, Cumi hnuah Air Traffic Controller pawlin Karachi Airport ih tumkir sal dingih an simih, Kirsal tumin an zuangkir nan an ttum nakding hmun an thlenman hlan ralkap pawlih umnak kiangte ah an tla tiah an sim.

Hi Vanzam a tlakrualah runsuah nak hna khal ttuancih a sinan nungdamin zohman runsuah theimi an neihlo thu Lt, Col, Noor Alam cun a sim. mithi ruang 12 cu Jinna Hospital ah phur an siih, mithi pawlhi an kang natsat tuk ruangah zo an si tikhal fiangtei theih thei a silo ih ramdang mi paziat an tel tikhal theih thei a silo tiah an sim.

(Visited 47 times, 1 visits today)

Comments

comments

Comments

%d bloggers like this: