Vanzam Parah Nau Nei; Naupai Theiaw Lo

ada_guan

Chloe le a nu

Canada ihsin Tokyo ih zam ding mi vanzam parih to Canada nu cun a nua pai le pai lo khal thei lo in ruahlo pi’n vanzam parah nau a nei.

Ada Guan in leitlun nu pawl ni, May 10 ah fanu duhum te vanzam parah a nei. Canada ihsin Japan lam pan ih sml 10 lenglo vanzam an to rero laiah a pum a na thutthi ih cutin naute hi a nei cih. Nupa nei aw thar an siih an fatir a si.

Vanzam parih um sibawiin IV le Tylenol tivek natsawknak an pe nan a reh lo. Mi zaran tonak ihsin sumdawng milian deuh pawl ih tonak hmun ah an thawn. Cutin a pum a na sinsin. A pum ihsin thil ziang si maw suak vekin a thei aw ih a zoh cu minung lu a hmu. Cutin naute cu damten a nei tiin Global News cun a tarlang.

Van zam parih to pawl khalin Pilot pa ih thuhla a than hlan sung cu zianghman an thei lo. Vanzam totu zaten an lungawipinak hla an saksak ih an phur tlang zet titla in thuhram lakan cun a tarlang.

Global News ih a sim dan ahcun naute nu hin nau a pai le pai lo zohter dingin sibawi hnenah an rak feh nan nau a pai le pailo an theilo. A rit lam a kai zet in a thei aw nan, nau a pai ti a thei aw lo tiin Wesley Branch cun a sim.

An naute hmin ah Chloe tiah an sak. Vanzam ihsin naute le a nu khal him dam te in an tum ram an thlengih mipi pawl khalin lungawipinak thawn an rak hmuak.

Canada vamzam ah naupai mi zarh 36 tiang cu to an siang. Naute hi a tlangpi thu in zarh 40 tlun lamah an nei theu.#

716530_1280x720

Chloe

dad-620x349

Chloe a pa in a cawi

289355EF00000578-3076416-image-a-37_1431410492490

Comments

comments

Comments

%d bloggers like this: