Vanzam A Hnintuk Ruangah Mi 27 Hliam Nazet Tuar

Aeroflot vanzam timi Moscow ihsin Bangkok zuang cu van tlolak parih khamtu thlisia a pah pang ruangah a totu mi 27 in hliam nazet an tuar.

Vanzam sungih tohkham taikhap hmang ngahlotu pawl cu nazetin a sep ih vanzam sungah thi hnai a suak zelzel. Sizung ih ah tul, ruh kiak tiangin an um.

Hliam na tuartu mi 24 pawl hi Ruasian mi an siih a dang 3 pawl cu Thailand mi an si. Vanzam a tumnak ding hmun Suvarnabhumi Airport a thlen hlan minute 40 tluk duh ih cang pang mi a si.

Vanzam khaltu pawlin an hmu cia lo mi; panghruak thu ih an ton mi a si. An pah ngah pang mihi Mirang tong in “air hole” tiin an ko ih “thli kua” tiin theih olnak dingah hminsin mi a si.

Thli kua timicu van tlolak fai kelkel cingin an hmuh ngah lo mi thli fehnak lole thlifehnsk lampi khamtu tinak a si. Kum tinte in vanzam in hivek hi vei 750 an pah pang ṭheu.

Tuiṭum ih an pah mi hi a rei lam second 10 tluk a sinan, vanzam ih a hlingnak a nattuk ruangah hitluk in hlim le hma an tuarnak a si.#

– Ap

Comments

comments

Comments

%d bloggers like this: