VANRAM IH NA TON DING MI PANGA

October 25
Nipi Ni

VANRAM IH NA TON DING MI PANGA

Siar:
2 Korin 5:6-11

Ziangahtile thutthen dingah kan zate in Khrih hmai ah kan ding leh
ding. Zozo khal a ttha siseh, a sia siseh a nunsung ih a tuahmi vek
cekci in a ngah ding.      -2 Korin 5:10

Kumkhat Sung Baibal:
–    Jeremiah 6-8
–   1 Timote 5

“Vanram ih Na Ton ding Mi Panga” timi cabu ngantu Mitch Albom in a
simi cu Vanram cu ziang thawn a bang ding tile hih leiram na nunlai ih
na theihzetmi mi pakhat in na thuhla pawl simfiangnak hmun sisehla
cuih hmun cu ziang a bang pei? timi ruat phah in a cabu ngan ding
hrangah ruahnak (idea) ka ngah a ti.
   
Albom ih cabu cun kan nun in midang parah tihrimnak um loin ziangti’n
a hngongh ti in theihter. Asinan zumtu hrang ahcun kumkhua ih kan
nomnakbik cu midang hnen ihsin a rami a si lo, in Runtu le kan Bawipa
hnen ihsin rami a si. Vancungram cu atu Jesuh in kan hrangih a tuah
rerolaimi atak hmun a si. Cule cuih hmun kan thlen tikah, a nungmi
Khrih kan tong dingih kan lung a awi ding (John 14:2, 3; 2 Peter.
3:13).
   
Jesuh thawn ton awknak cu leitlun ih kan nun simfiang saalnak tla a si
ding. Zumtu pawl cun, “Khrih hmai ah thutthen dingah kan ding leh
ding, zozo khal a ttha siseh, a sia siseh a nun sungih a tuahmi vek
cekci in a ngah ding,” tiah sim ciami kan si (2Kor. 5:10). A fimnak le
a diknak in ziangtluk in Pathian le veng hnen kan duhdawt ti in
theihter leh ding (Matt. 22:37-40).
   
Vanram ih kan ton dingmi a hmaisabik mi panga pawl hi zo an si ti kan
thei lo. Asinan a hmaisabik ahcun Bawi Jesuh a si ding ti kan thei.
       
Sunlawinak thawn Jesuh thawi’ kan din tikah,
A liam zomi kan thuanthu thlir saal in;
Cutikah kan Bawipa ka thei fiang ding,
Ziangtluk duhnungza so a si ding!

Jesuh thawn kumkhua ih um ding cu nomnak saangbik a si.

(Visited 35 times, 1 visits today)

Comments

comments

Comments

%d bloggers like this: