Vanlam Zumnak

January 18
Tlawngkai Nithum

Vanlam Zumnak

Jesuh in an hnenah, “Pathian rinsan uh!” a ti.
– Marka 11:22

Bible Siar Ding: Saam 9

Kan rinnak le Jesuh ih rinnak karlak ah danglamnak maksak a um. Kan rinnak cu a cem thei. Minung tamsawn cu, “Bawipa, lamhlapi ah ka pial zo; atu ahcun himi hnakih hla sawn ah ka feh thei nawn lo. Rinnak ka neihmi hmuahhmuah ka hmang thluh zo, ih atu ahcun cawl tahrat in rinnak tamsawn nei thei dingin thla ka cam ding,” tiih an sim theinak hmun ah an thleng.

Kan tuah dingmi rinnak kan neih thei ruangah Pathian hnenah lungawithu ka sim, asinan adang rinnak a um. England ram saklam ih ka umlai ah midamlo innsang pakhat ih ka leenlai ka vun mang saal. Minu kum note pakhat cu ihkhun tlunah besiazet in a it. A khuaruah theinak thinlung a um nawn lo. Thil tampi a cang reromi pawl ka hmuhmi ihsin himi cu Satan ih tisiatmi a si ti ka theithiam cih.

Amah cu kum note le fate mawite neimi a si. A pasal cu naute cawi phah in a rung lut ih a nupi cu hnam dingin a kuun. Cutikah an nu cu ihkhun khatlam sirah a sep aw lohli ih a pasal a silam hman a theithiam nawn lo. Thinpemza taktak a si. Cutikah naute cu a hei keng ih naute hmur in a nu cu a daiter. Cu minu cu zoh mawi lozet in a um lala. A kiangih um a unu hnenah in bawm thei pei maw? ka ti. Cunu in, “Aw ziangkim kan lo bawm thei” i ti. Asinan kei in, “Thlaraulam bomnak cu na nei thei lo maw?” ka ti. A pasal cu thinheng in a au ih, “In bawm aw.” Pathian kan zum, zarh sarih sung rori it loin kan um. Thil na ti sual. Na ra thlennak inn hi na palh pang a si,” a ti.

Cumi cun zaangfahnak i neihter sinsin ih himi nu hrangah pakhatkhat tuahsak duhnak thinlung a suak. Cuti’n rinnak thawn thla ka cam. Leitlun hmuitin ih thlacam hlawhtling mi ka hmu dah hrih lo. Pathian hnen ihsin zianghman na ngah lo asile vanlam nunnak sungin thla na cam a ttul, ziangahtile cumi cu thulehnak umsun a si.

“Himi nu sung ihsin suak aw, Jesuh hmin in thu ka lo pek” ti’n ka auhnawh. Cu minu cu a hun let aw, a itthat ih nazi 14 sung a caang lo, cuti’n a hung tthangh tikah a dam felfai. Aw, rinnak a um, asinan Jesuh in Pathian thawn pehzom aw dingin hruai in duh ih kan minung sinak cemralter in Amah ih thiltitheinak in hmunluah ding a duh. Khuaruahhar tumtahnak in Pathian lamzin dik a neih a ttul. Pathian in ziangkim a kilkhawi a ttul.

Na tisami sinak cun Pathian na thei thei lo ding; A zaangfahnak lawngin na thei ding. Pathian ih lamzin cu zumnak lamzin a si, lamdang a um lo.

@ Smith Wigglesworth

(Visited 30 times, 1 visits today)

Comments

comments

Comments

%d bloggers like this: