Vanlam Huham ih Tonghthamnak

February 10
Tlawngkai Ninga

Vanlam Huham ih Tonghthamnak

Bawipa in na natnak hmuahhmuah a lo damter zo.
– Saam 103:3

Bible Siar Ding: Saam 103

Nikhat cu hnipuan sinfen mawizet thawn minu pakhat kan pumkhawmnak ah a rak ra ve ih platform ah a ding. A aangki tangah mi ih hmuh thei lomi keibai zakdomnak kianghrol a um. Bawmtu nei loin ke pakhat lawng thawn kum 20 lenglo a um zo ih Pathian huham in tidamnak a um ti a theih ruanah thlacam sak duh ah a ra mi a si. Rinnak thawn a hrangah thla kan cam ih, “Ka ke tlunah ziangsi nan tuah?” ti’n a au. Veithum rori a au hnu ah kianghrol ttul nawn loin amahte a ke in a ding thei ti kan hmu.

Ttonglettu nu in, “Na ke parah zianghman kan tuah lo. Pakhatkhat a cangmi a um asile a tuahtu cu Pathian sawn a si,” ti’n a simfiang. Anih in, “Kebai le kianghrol thawn ka umnak hi kumkul lenglo a si zo, asinan atu ahcun ka dam zo” a ti. Zo ih fial loin a khuk a bil ih Pathian hnenah lungawithu a sim. Mi tampi in an zaangfah ih an ttap. Pathian ih in tonghtham tikah valam tonghthamnak cu nunnak le huham thawn a khat ih taksa parah damnak a thlen tikah mipi in Pathian ih tuahmi ti an thei, ti ka hmu fiang.

Pathian in A Ttongkam hmangin minaa a damter. Asinan a thupibik cu rundam na si zo maw? timi hi a si. Bawipa na thei zo maw? Na Pathian tong dingah na raalring maw? Mi famkim lo na si hmanah Pathian in a lo tidam thei. Mi damcakzet na si khal le Pathian ih zaangfahnak le rundamnak thu na zum lo ahcun Hell ram fehtu ding na si. Kei cu ka zum le vete’n rundamfa ka si, nang tla na si thei ve, Pathian cu thangthat si ko seh!

Pathian in vanlam huham cahnak thawn a lo tonghtham, Pathian Thu in Thlarau thinlung na neih theinak dingah le na thlun thei ih na pumpuluk thlengh awknak a um theilai hlanlo a cangvai. Taksa cu a ttawnttai, a saantlai lo, asinan Pathian in A Thu cu ka nunnak ah a khatter: Kan ttonttaihnak le ka damlonak pawl cu i laaksak ih, A taksa ih a tuarnak a hmaphe cu kan damnak a si (Matt. 8:17; Isa. 53:5).

“Thlarau Thianghlim ih hruaimi pawl lawngin, ‘Jesuh cu Bawi a si,’ an ti thei ding” (1Korin 12:3). Bawipa Pathian cu thangthat si ko seh! Amah lawng hi Bawibik le uktu si ko seh! Amah in na nunnak pumhlum hrangah thutak thawn khawkhan lairelnak a nei. Cuih duhnungza cu Bawipa in hmuhter a lo duh. Cuih hmun na thlen tikah vanlam huham ih catbaang loih hnattuannak na hmu ding. Thlarau Thianghlim baptism a cotu pawl lawngin cuih thutiamkam cu atak in an hmu suak ding ti ka zum.

Minung pawl zaangfahnak tokham ih hruai thlengtu Pathian thangthat uh.

@ Smith Wigglesworth

(Visited 21 times, 1 visits today)

Comments

comments

Comments

%d bloggers like this: