Vanlalsailoa in a Album thar suah

Vanlalsailoa in a Album thar suah

hnaingsinpa061Mizoram ih kum 2000 hnu um hrang ahcun mi thar tiih rel theih a si lo vek in, hla lam ih mi thaw le hla ngaina tu pawl hrang ahcun kan Chin mi lak ah a hmin khal hi dai thei nawn lo dng a si ti cu sim bet tullo ih lang mi a si. Thla nga (5) sung rori a rak buatsaih ih, a phuah le mi dang ih an leh le phuah sak mi pawl, mizan (1st May 2009) ahkhan, tulai fangih mipi pun khawmnak ih an hman zet mi, Chandmary YMA (Young Mizo Association) Hall thar ah suahnak a nei.

Hi hmun ih feh vetu kan Chinlandtoday palai khalin zohtha a ti thu le, kan Laimi a hleice pawl hrang ih zohthim tlak tam a ti thu a sim ve. Hi can an hram thawhnak khal, tulai santiluang ih can thupit zia thei in, zanlam 7:00 PM ih tan thawk ding an ti mi cu, a tikcu ah mipi khat kim hrih lo khalsehla, tan a siih, can hmangtu ding pawl khal an tim theh.

Can an hun thawk ih, Sailova ih pianthar hlan ih a rualpi hlun piangthar ih Pathian hla lam ih letaw sal Roberta hnen ihsin hramthok thlacamnak hi hman a siih, cumi hnu ah santhar nonawn phuaih (band/group) thar pakhat, mipi in an hlutsak thok rero mi Dr. Luke pawl hlsak ih sawm an siih, hmansehla remcan lonak ruangah, nunau hlasak thiam zet Rosy timi cun an aiawh in mipi awinak a nei. Cumi hnu ah, kan Laitlang le Kawlrawn ih kan hman dah tukhrih lemlo mi, hlasak khui suah sak ding mi cu, thlirlawknak (preview) cu thiam zet in Pa Joy-a cun a hun tuah.

Can kaitu ih an hmanmi khal in, can tawi cu sunglawi theibik ih hman tum in, tawi si, fel le mawi hniangsinpa041famkim zet in a kai hruai vivo. Sailova ih rualpi hlun pakhat thothoo Joseph-a cu hlasak ih sawm a hun si lala ih, mipi in hngakhlap zet le ngai hiar zetih kan um mi, bawmtu dingah Joseph cun Pathian hnenah thlacamnak nei hmaisa in a hla phuah mi, Psalm 60, 61, 91 nak pawl tangkawp ih a phuahmi thawn mipi a lala.

Release can a hung thlenf zik cuarco ih, mipi pawl cu hlasak thiam pawl hlasak hawmthawh fawn, khatlam ah an fehsanbik thei fawn, duhkhawp hrih fawn lo pawl awi dingin, Lelte Weekly in ‘Female New Gospel Artist 2009’ hrangih a hrilsuah thar mi, Lallianzuali cun, mirang hla thawn mawi zetin, mipi hiarnak cu a vun tuam dam sak lala.

hnaingsinpa071Pu Vanlalhela Pachuau (IAS Retd.) Chief Guest (Khual lian) cu a hung dingih, lungawi thu simnak tawi famkim ih a neih hnuah, Vanlalsailova ih nu le pa mipi hmaiih ko suak in, an khui thar cu suah (Release) nak can cu a run hmang. Sailova hin a sim dan ah, a hla phuah pawl hi a tlangpi in thlahnih (2) an si theu ih, a can ah a hla thluk a nei hmaisa theu ih, cumi hnu ah a hlathu hi a rem sal theu tiah a sim.

Can sau ding phang fawn, a cem ngaingai ding phang fawn mipi pawl cu vun awi nung dingin, amah Sailova cu mipi hmaiah hung lang in, a hla phuahnak san mallai sim thei nak a neih hnu ah, manhlap fawn lo, fung tuk fawn lo in music a hung awn suak ih, cumi rem aw mawi, fiang fawn siih a hla a vun sak cu, kan Palai khalin a feh a siraw lo tiah Chinland a sim.

Sailova hin nupi hminsiatnak, relsiat ding le hmin hliau nak a nei lo ti sehla, kan ti sual tuk lem lo ding. cungnawlAmah hi mi fimkhur, farah sungkua ihsin hung pitling a si vek in, a porhaw dah lo in, mi hmai khalah a hmaihngalnak reltu ding thei an um dah lo. Rittheihnak thil hi tuah duh lo tu a si hlei ah, fainak a ngaina in a uar ih, tulaifangah, mizoram sung a fai theinak dingih tuanvo neitu phuaihkhat ah Chairman a si.

NB: Sailova ih hlathar pawl hi lei duh le cah duh kan um a si ahcun, kan Chinlandtoday tuanvo neitu pawl hnenah cah theih a si.

(Visited 117 times, 1 visits today)

Comments

comments

One Comment

  1. Hniangsinpa na ti tha nasa.
    Rak zuam sinsin aw,

    Thomas

Comments

%d bloggers like this: