VANDUM RALIH…..KAPA

VANDUM RALIH…..KAPA

Zantim bang hringnun kei ka zawh zalam
Nithla siarih nunkhua ka ruah tin te’n
Ka kung zawn dingah ah Manglian ka vun hlam
Suan rawl vun kil hrih ning,sungkim lo len

Lai lungrawnih ka hawi lenpi tla cu
That ni le lungawi an tawn tawkah khin
Hlimin nuam ciaico hai ”Nanau,aa.u,
Nunu,Papa’ tiih sungkaw kimin

Tahhla tisau men maw, ka hrang pual ni
Arfa bang ka vaihnak i mang tertu,
A thup a thli’n ka hnul lungsung luaithli
Thinnau banghekin ruat lang ka thuan thu

Sahrang,thliruah le tilian hman tih hla’ng
Ka pai’ um cun;thin hnangamin ka zau
A kungah insungsang hu ni bang tlang
A hnuah e, sem mawng bang ka thinnau,

Lungsir herin run thlir ve maw ka pa’n
Fahniang tlai’ kan lennak sum tual rawn hi
Sam thei hla’ng e sansung a kau seu hman
A biang parih mitthli le a thlanhri

Mai S.Faizawng
zingbawihte@gmail.com

(Visited 50 times, 1 visits today)

Comments

comments

One Comment

  1. Ekhai .. na thiamtuk ih ka mangbang thluahthlo .. zing b..

Comments

%d bloggers like this: